Aıtalyq, búgingi kúni qant dıabeti dertin emdeıtin dári Reseı qalasynda 8500 teńge turatyn bolsa, Aqtóbede – 17 000 teńge. Dáriniń ózge túrleriniń de jaǵdaıy osylaı. Sondaı-aq, farmasevtıka salasyndaǵy baǵa belgileý isinde mańyzdy ról atqaratyn qurylymnyń biri – «Dárilik zattarǵa saraptama júrgizý ulttyq ortalyǵy» RMK bolsa, bular da qyzmet baǵasyn sharyqtatyp jibergen. Iаǵnı, byltyr óńirde antıgrıppınge saraptama júrgizý 6000 teńge bolsa, qazir – 70 000 teńge. Bul derek qyzmet quny 15 ese óskenin kórsetedi. Aspırınniń jaǵdaıy da dál osylaı.
О́kinishke qaraı, qazirgi kúni onyń sebepterin dál anyqtaý múmkin bolmaı otyr. Sonda óńirde dári baǵasy osyndaı sharyqtaǵan kúıinde qala bere me? О́ńir basshysy muny retteý joldaryn tabýǵa bolatynyn málimdedi. Iаǵnı, onyń tujyrymdaýynsha, bul túıtkildi dárilik zattardy óndirýshiden satyp alýshyǵa deıin qadaǵalaý júıesin engizý arqyly sheshýge bolady. Dál osyndaı jaǵdaıda dáriniń naqty quny belgili bolmaq.
Temir Qusaıyn, «Egemen Qazaqstan»