Qatysýshylar patrıottyq ánder men Abaıdyń sózine jazylǵan Qazaqstan kompozıtorlarynyń shyǵarmalaryn oryndady. Elimizdiń túkpir-túkpirinen jınalǵan 39 jas ánshiniń arasynan bas júldeni Andreı Medvedev jeńip aldy.
Shyǵys Qazaqstan oblysynyń atynan qatysqan Andreıdiń ónerin qazylar alqasy joǵary baǵalady. Almatylyq Begim Aıdos pen Ásem Sergeeva, aqtóbelik Amanjol О́temuratov birinshi orynnyń bıiginen kórindi. Júldeli ekinshi oryn atyraýlyq Nursát Almas, astanalyq Talǵat Allabirinov, mańǵystaýlyq Móldir Jaılybaeva, shyǵysqazaqstandyq Andreı Shagıdevıchterge berildi. Al Almatydan kelgen Nazgúl Oryntaı, Bolat Marǵulan, Jandarbek Erkinbaev, Halıd Orynqul, astanalyq Muhtar Romashev, qyzylordalyq Ázıza Ábdireıim, atyraýlyq Ilııas Bólekbaevtar úshinshi oryn ıelendi.
Úsh kún boıy Jaıyq jaǵasyn ádemi ánmen terbegen baıqaý mereıtoı ıesi Ǵafız Esimovtiń shyǵarmashylyq keshimen qortyndylandy. О́ner merekesine halyq ártisiniń dos-týystary men áriptesteri jınaldy. Oblys ákimi Nurlan Noǵaev mereıgerge «Atyraý oblysynyń qurmetti azamaty» ataǵyn tabystap, Elbasynyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasy aıasynda Atyraý aımaǵynda naqty sharalar qolǵa alyna bastaǵanyn aıtty. Shyǵarmashylyq keshte oblys ákiminiń qoldaýymen jaryq kórgen Ǵafız Esimovtiń shyǵarmashylyǵyna arnalǵan antologııanyń tusaýy kesildi.
Baqytgúl BABASh,
«Egemen Qazaqstan»