Almatylyq kásipkerler oqýshylarǵa, stýdentterge, mektep muǵalimderi men JOO oqytýshylaryna «EKSPO-2017» kórmesiniń 1000 bıletin syılaıdy. Bul týraly Almaty qalasynyń kásipkerlik jáne ındýstrıaldy-ınnovasııalyq damý basqarmasy málimdep otyr.
«Bıletter halyqaralyq olımpıadalardyń jeńimpazdaryna, sondaı-aq ǵylymı jumystarmen belsendi túrde aınalysatyn oqýshylar men stýdentterge beriledi. Budan basqa, «Jyl muǵalimderi» jáne ǵylymı jobalarǵa jetekshilik etetin oqytýshylar kórmeni tegin baryp kóredi», – deıdi Almaty qalasy boıynsha «Astana Ekspo-2017» jedel shtabynyń basshysy Samǵat Ermekbaev. Onyń aıtýynsha, mesenattar «Astana Ekspo-2017» Almaty shtabyna oqýshylar úshin – 200 bılet, muǵalimder úshin – 300 bılet, stýdentter men JOO oqytýshylary úshin – 500 bılet satyp alý bastamasymen ótinish jasaǵan. Bir bılettiń quny – 4 000 teńge. Aınash Esalı, «Egemen Qazaqstan». ALMATY