Senattyń Áleýmettik-mádenı damý jáne ǵylym komıtetiniń tóraıymy Birǵanym Áıtimova sharany asha kelip, Prezıdent N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan mindetterdi bilim berý júıesinde iske asyrý týraly atap ótti. Senator Memleket basshysy alǵa qoıǵan rýhanı jańǵyrý mindetteri arasynda ulttyq biregeılikti saqtaý, bilimniń saltanat qurýy men sananyń ashyqtyǵy erekshe oryn alatynyn eske saldy. B.Áıtimova bizdiń elimizdiń ıntellektýaldyq áleýetin damytý men sanaly jas urpaq tárbıeleýde «Bilim-ınnovasııa» jáne «Bilim-orda» halyqaralyq qoǵamdyq qorlarynyń erekshe úlesin atap ótti. Kezdesý barysynda osy qorlardyń basshylary Darhan О́te, Darhanbek Qojabekov jáne Abdýrrahman Sel baıandama jasady. Parlamentshiler jan-jaqty pikir almasý barysynda bizdiń elimizdiń orta bilim berý júıesiniń aldynda turǵan birqatar máselelerdi kóterdi. Sharaǵa Senat depýtattary Vladımır Redkokashın, Álı Bektaev, Serik Bekturǵanov, Aqan Bıjanov, Nurlan Qylyshbaev, Tóleýbek Muqashev, sondaı-aq, Bilim jáne ǵylym mınıstriniń orynbasary Elmıra Sýhanberdıeva qatysty. Senatorlar Bilim jáne ǵylym mınıstrligine «Bilim-ınnovasııa» lıseıleriniń aldyńǵy qatardaǵy tájirıbesin búkil elimizde keńinen taratýdy usyndy. Túlekterdiń álemdik deńgeıde básekege qabiletti bolýyna múmkindik beretin osy zamanǵy bilim berý ádistemesi men úsh tilde oqytýdy engizý, tehnologııalyq jabdyqtaýdy jańǵyrtý týraly birinshi kezekte aıtyldy. Kezdesýdi qorytyndylaı kelip, senator B.Áıtimova sharanyń mańyzdy ári nátıjeli bolǵanyn atap ótti. Onyń pikirinshe, júzdesýge qatysýshylar zań erejelerin bilim berý salasynda iske asyrýdyń mán-jaıy týraly habardar boldy.
Senat depýtattary Astanadaǵy «NURORDA» mektep-lıseıinde boldy. Munda «Bilim-ınnovasııa» jáne «Bilim-orda» halyqaralyq qoǵamdyq qorlarynyń ustazdary jáne basshylyǵymen kezdesý ótti, dep habarlady Senattyń baspasóz qyzmeti.