Memorandým boıynsha Qazaqstanda ıslam qarjylandyrý júıesin damytý jolyndaǵy jalpy mindetterdi sheshý úshin Qaýymdastyq janynda ózara dıalog alańyn qurý arqyly naryqtaǵy ókildermen birlesken baǵdarlamalar men túrli sharalar daıyndaý, elde ıslam qarjy júıesin nasıhattaý, damytý maqsatynda forým, konferensııalar uıymdastyrý kózdelgen. Sondaı-aq Qor baǵdarlamalaryn júzege asyrýǵa baǵyttalǵan birikken sharalar keshenin júzege asyrý, «Damý» Qorynyń qyzmetkerlerin, kásipkerlerdi oqytý da josparda bar, dep haıýarlaıdy "Damý" qorynyń resmı saıty.
«О́tken jyly «Damý» Qory ıslam qarjylandyrýy boıynsha jumysshy tobyn qurdyq. Onyń quramyna Islam qarjy damytý qaýymdastyǵy men osy salada jumys istep júrgen birqatar qarjy uıymdary kirdi. Sóıtip birlese otyryp Islam qarjylandyrýyn damytý jóninde ishki baǵdarlamamyzdy jasadyq. Ol baǵdarlama qujat retinde daıyn. Endi tek qarjylandyrý tetikterin taqylap, bir mámilege kelý qaldy. Meniń oıymsha ol sheshiletin másele. Islam qarjy sharttary boıynsha álem elderiniń 60 paıyzy jumys isteıtinin eskersek, bizdiń de bul kóshten qalýǵa qaqymyz joq. Elbasy Islam qarjylandyrýyn damytý jaıly tapsyrma bergenin de ózderiniń bilesizder. Sondyqtan da biz óz tarapymyzdan «Damý» qorymen jumys isteıtin kásipkerlerge Islam sharttary boıynsha qarjylandyrý talaptary jóninde aqparattandyrý júrgizemiz. Ári Qazaqstanda osy shartpen jumys isteıtin «Ál-Hılal» banki men «Zaman» bankiniń ishki qujatary daıyn bolyp, jumystaryn sharıǵat keńesi maquldaǵan jaǵdaıda biz shaǵyn jáne orta kásipkerlerdi qarjylandyrýdy bastamaqpyz»,-dedi «Damý» Qory Basqarma tóraǵasynyń orynbasary Dáýlet Ábilqaıyrov.
Islam sharttarymen qarjy alý úshin kásipkerlerge Islam qarjylandyrýynyń ne ekenin bilý mańyzdy. Memorandým aıasynda uıymdastyrylǵan «Bıznesti damytýǵa arnalǵan ıslam qarjylandyrýyna qalaı qol jetkizýge bolady?» atty úsh saǵattyq semınar osy suraqtarǵa jaýap berdi.
Shara barysynda «Al Sakr Fınans», «Kazakhstan Ijara Company», Islam qarjy damytý qaýymdastyǵynyń jáne «Sadaqa» qaıyrymdylyq qorynyń ókilderi ıslam qarjy ınstıtýty baǵdarlamalarynyń tanystyrylymyn ótkizdi. Tanystyrylym barysynda jıynǵa kelgen kásipkerler ózderin tolǵandyrǵan suraqtaryn qoıdy. Atap aıtqanda Islam sharttary boıynsha jumys isteıtin bankter eldegi basqa da ekinshi deńgeıli bankterge básekeles bola ma? Islam bankteri qandaı talaptar boıynsha jumys isteıdi? Tek Islam dinin ustanýshylarǵa ǵana qyzmet kórsetile me? Islam sharttary boıynsha qarjy almaq bolǵan kásipkerge qandaı talaptar qoıylady,-degen sııaqty kóptegen suraqtarǵa jaýap tapty.