Atap aıtar bolsaq, kóptegen qylmys túrleri azaıdy, onyń ishinde asa aýyr qylmys - 38,9%, orta aýyr - 3,6%, kishi qylmystar - 25,2%-ǵa kemigen. Qoǵamdyq oryndardaǵy qylmys 19,9% jáne dalada jasalǵan quqyq buzýshylyqtar - 25,2%-ǵa tómendegen. Barlyq sanattaǵy qylmystardy ashý boıynsha da jaqsy kórsetkish bar.
Memleket basshysynyń quqyq buzýshylyqtarǵa «nóldik tózimdilik» qalyptastyrý tapsyrmasy boıynsha da jumystar jalǵasýda. Osy jyly polıseıler 44 364 ákimshilik quqyq buzýshylyq anyqtaǵan, onyń ishinde usaq buzaqylyq, tynyshtyqty buzý, alkagoldi ishimdikterdi ishý jáne qoǵamdyq oryndarda mas kúıinde paıda bolý, belgilenbegen oryndarda temeki shegý, abattandyrý erejelerin buzý faktileri anyqtalǵan.
Jol qozǵalysy qaýipsizdigin buzý boıynsha 53 myń zańbuzýshylyq tirkelgen. Mas kúıinde kólik basqarǵan 597 júrgizýshi ustalǵan.
Elordada kóshi-qon Zańnamasyn saqtamaý faktileriniń de joly kesilýde. Aǵymdaǵy jyldyń 4 aıynda 2500-ge jýyq sheteldik ákimshilik jazaǵa tartylǵan. Olardyń arasynda elimizden sot tártibiniń sheshimi boıynsha májbúrli túrde shyǵarylǵandar, sonymen qatar IID bólý-qabyldaýyna qamalǵandar bar. Qazaqstan Respýblıkasynyń kóshi-qon Zańnamasyn órkeskel buzǵan 32 sheteldik ústinen is qozǵalǵan.
Qazirgi tańda Astana qalasynda qoǵamdyq tártip ornatýǵa qoǵamdyq qurylymdardyń 1400 ókili atsalysýda. Qalada quqyqtyq tártipti qamtamasyz etý baǵytynda polıseıler sany kóbeıtilip, ózge de memlekettik organ ókilderin jumyldyrý arqyly reıdtik sharalar uıymdastyrylýda.