Keshe Úkimet úıinde Premer-Mınıstr Baqytjan Saǵyntaevtyń tóraǵalyǵymen Qazaqstan Respýblıkasy ekonomıkasyn jańǵyrtý máseleleri jónindegi memlekettik komıssııanyń kezekti otyrysy ótti, dep habarlady Premer-Mınıstrdiń baspasóz qyzmeti.
Otyrys barysynda Úkimettiń aqparattyq-kommýnıkasııalyq tehnologııalardy damytý, tehnologııalyq jańartý jáne ekonomıkany, týrızmdi sıfrlandyrý sııaqty baǵyttaryn jańǵyrtý boıynsha jumystaryn júıeleýge qatysty Aqparat jáne kommýnıkasııalar, Investısııalar jáne damý, Mádenıet jáne sport mınıstrlikteriniń is-áreketteri talqylandy.
Memlekettik komıssııa otyrysynda qaralǵan barlyq baǵyttar elimizdiń turaqty ekonomıkalyq ósimin qamtamasyz etýge jáne Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýy aıasynda ekonomıkany jańǵyrtýǵa baǵdarlanǵan.