Aldaǵy demalys kúnderi Astanada óńirlik aýylsharýashylyq jármeńkesi ótedi. Bul joly Ońtústik Qazaqstan jáne Atyraý oblystarynyń taýar óndirýshileri óz ónimderin usynady. Bul týraly qalalyq ákimdiktiń baspasóz qyzmeti habarlady.
Elorda turǵyndary men qonaqtary azyq-túlik ónimderin bazardaǵy baǵadan 15-20% tómen alýǵa múmkindik bar.
Jármeńkege 254 tonna ónim jetkiziledi: 47 tonna et jáne et ónimderi, 132 tonna kókónis, 6 tonna sút ónimderi, 2 tonna shubat, 13 tonna balyq, 3 tonna – bal, 4 tonna – suıyq maı, 5tonna – makaron ónimderi, 25 tonna – kartop, 4 tonna súrlengen túrli ónimder jáne 5000 jumyrtqa. Sondaı-aq, taǵy 14 tonna basqa da qajetti ónimder sórelerge qoıylmaq.
Jármeńke «Qazaqstan» SK jáne «Alaı» kólik-logıstıkalyq ortalyǵynyń aýmaǵynda ótedi. Oblystardan keletin shyǵarmashylyq ujym kelýshilerdi konserttik baǵdarlamalarmen qýantyp, kóterińki kóterińki kóńil-kúı syılamaq.