Qatty boran saldarynan Almaty-О́skemen kúre jolynyń 977-1048 shaqyrymyndaǵy jol ýchaskesinde kóliktiń barlyq túri úshin jol qozǵalysy jabyldy, dep habarlaıdy «Kazahavtodor».
Sonymen qatar, búgin saǵat 16.40-tan beri respýblıkalyq mańyzy bar Omsk-Maıqapshaǵaı jolynyń 587-756 shaqyrymyndaǵy ýchaskesi de kóliktiń barlyq túri úshin jabyq ekeni habarlandy.
«Kazahavtodor» mekemesiniń aqparatyna súıensek, О́skemen-Shemonaıha-RF shekarasy jolynda reıstegi avtobýstar, júk kólikteri men tirkemesi bar júk kólikteri úshin qozǵalys shektelgen.
Al «Qazgıdromettiń» habarlaýynsha, 10 jeltoqsan kúni Shyǵys Qazaqstan oblysynda tuman túsip, sekýndyna 15-20 metr jyldamdyqpen jel soǵady.
Aıta keteıik, aýa raıynyń qolaısyzdyǵyna baılanysty búgin Aqmola oblysynda, «Astana-Ereımentaý-Shiderti» tas jolynda jáne Astana qalasynan bastap, Pavlodar oblysynyń aýmaǵyna deıingi joldar jabylǵan bolatyn.