Qazaqstan Respýblıkasynyń Tuńǵysh Prezıdenti - Elbasynyń Qorynda Qazaqstan Respýblıkasy Táýelsizdiginiń 25 jyldyǵyna arnalǵan fotokórme ótti.
Fotokórme Qazaqstannyń 1991 jyldan bastap 2016 jylǵa deıingi jańasha tarıhynyń túrli kezeńine arnalǵan 25 bólimdi qamtıtyn bes taqyryptyq stendten turady.
Astana turǵyndary men qonaqtary memlekettiń qalyptasýyn kórsetetin biregeı tarıhı kadrlardy tamashalaı aldy. Semeı polıgonynyń jabylýy, Qazaqstannyń birinshi ǵaryshkeriniń kosmosqa ushýy, memlekettik rámizderdiń qabyldanýy, BUU-na kirýi, ulttyq valıýtanyń qoldanysqa engizilýi, Qazaqstan halqy Assambleıasynyń qurylýy, elordany kóshirý, Álemdik jáne dástúrli dinde kóshbasshylarynyń sezin ótkizý, "Bolashaq" baǵdarlamasyn qurý jáne basqa da kóptegen kadrlardan turady.
"Fotokórme taımlaın rejımindegi erekshe formatta usynylǵan, onda elimizdiń Táýelsizdiginiń damý hronologııasyn kórýge bolady. Biregeı fotosýretterden basqa, onda negizgi datalar, qyzyqty faktiler kórsetilgen", dedi fotokórmeni ashqan kezde Qazaqstan Respýblıkasy Tuńǵysh Prezıdenti - Elbasy Qorynyń Atqarýshy dırektory Saǵyndyq Nurahanov.
Is-sharanyń uıymdastyrýshylary - Qazaqstan Respýblıkasy Tuńǵysh Prezıdenti - Elbasy Qory jáne Aqparat jáne kommýnıkasııalar mınıstrligi.
Kórme jyldyń aıaǵyna deıin ótedi. Kórmege erkin kirýge bolady.
Sýretterdi túsirgen Orynbaı BALMURAT, "Egemen Qazaqstan".