Aqtaýda qoǵamdyq tártip pen qaýipsizdikti qamtamasyz etý úshin 20 aınalmaly kamera satyp alynady. Jalpy, beınekamera jelisin arttyrý úshin oblystyq bıýdjetten 159 mıllıon teńge bólingen, dep habarlaıdy lada.kz. Basylymnyń habarlaýynsha, "Qaýipsiz aýla" baǵdarlamasy boıynsha Aqtaýdyń eki shaǵyn aýdanyna baqylaý kameralary ornatylady.
Bir aıta keterligi, qazir Aqtaýda 95, Jańaózende 38 baqylaý kameralary bar. Olar jedel basqarý ortalyqtaryna qosylǵan.
"Bul shara halyq kóp júretin jerlerde qylmystyń aldyn alýǵa múmkindik beredi. Jyldyń basynan beri Mańǵystaýda beınejazbalar arqyly 195 qylmys ashyldy. Sonymen qatar 28 136 ákimshilik quqyq buzýshylyq anyqtaldy", deıdi Mańǵystaý IID ókilderi.