2016 j. 23 jeltoqsanda «Astana EKSPO-2017» UK» AQ Akkredıtteý ortalyǵynyń jáne EKSPO-2017 kórmesiniń qatysýshylaryna Biryńǵaı qyzmet kórsetý ortalyǵynyń tusaýkeserin ótkizdi.
Is-sharany ótkizýdiń bas kezinde BAQ nazaryna Kórme qatysýshylaryna Biryńǵaı qyzmet kórsetý ortalyǵy usynyldy. Servıstik qyzmet kórsetý departamentiniń dırektory Dııas Azbergenov Ortalyqtyń fýnksıonaldyq múmkindikteri týraly tolyq aıtyp berdi.
«Bir tereze» prınsıpi boıynsha jumys jasaıtyn Biryńǵaı qyzmet kórsetý ortalyǵyn (budan ári BQO) EKSPO-2017 halyqaralyq mamandandyrylǵan kórmesiniń uıymdastyrýshysy resmı qatysýshylarǵa, seksııa komıssarlarynyń keńselerine jáne olardyń shtattyq qyzmetkerlerine qyzmet kórsetý úshin qurdy. Ortalyqta memlekettik jáne basqa qyzmetterdiń tıisti túrlerine ýaqytyly jáne tıimdi kórsetetin memlekettik organdardyń jáne basqa uıymdardyń ókilderi (ishki ister organyn, kedendik odaq jáne salyq organyn qosa) bolady – dep atap ótti D.Azbergenov.
Biryńǵaı qyzmet kórsetý ortalyǵynda vızalyq qoldaý kórsetý, kóshi-qon esebi, salyq salý, kedendik ister, avtorlyq quqyq, sanıtarlyq-epıdemıologııalyq baqylaý jáne Qazaqstan Respýblıkasynyń radıojıilikti spektrin qoldaný salasyndaǵy qyzmetter kórsetiledi.
Sondaı-aq «Qazkommersbank» AQ áriptesi tıisti bank qyzmetterin usynady. Sonymen qatar, resmı qatysýshylar Biryńǵaı qyzmet kórsetý ortalyǵynda saqtandyrý, logıstıkalyq, konsaltıngilik, notarıaldyq, aýdarma, sondaı-aq áýe kassalary jáne ekspress-poshta qyzmetterin ala alady.
Is-sharanyń kelesi kezeńi Akkredıtteý ortalyǵynyń tusaýkeseri boldy, onyń jumysy týraly «Astana EKSPO-2017» UK» AQ Operasııalyq basqarý jáne táýekel-menedjmenti departamentiniń dırektory Marken Ahmetov habardar etti.
«Akkredıtteý júıesi aǵymdaǵy jyldyń jeltoqsanynda iske qosyldy. Endi Kórme aýmaǵynda jáne jeke obektilerinde bolǵysy keletin barlyq tulǵalar onlaın júıede tirkelip, Qazaqstannyń quqyq qorǵaý organdarynda arnaıy tekserýden ótýi tıis. Bul daıyndyq jáne ótkizý kezeńinde barlyq is-sharalardyń qosymsha qaýipsizdigin qamtamasyz etedi» - dedi M.Ahmetov.
Akkredıtteý ortalyǵynyń tolyq jumys jasaýyn qamtamasyz etý úshin akkredıtteý júıelerin uıymdastyrý jáne iske qosýdyń halyqaralyq tájirıbesi qoldanyldy.
Tusaýkeser is-sharalary aıaqtalǵannan keıin spıkerler BAQ ókilderiniń qyzyǵýshylyǵyn týdyratyn barlyq suraqtarǵa jaýap berdi.
Halyqaralyq mamandandyrylǵan kórme Astana qalasynda 2017 jylǵy 10 maýsymnan bastap 10 qyrkúıekke deıin ótetindigin, onyń barysynda shamamen 5 mıllıon kelý kútiletindigin eske salamyz.