2016 jylǵy 12 jeltoqsan men 2017 jylǵy 5 qańtar aralyǵynda «Pırotehnıka» atty jedel-profılaktıkalyq is-shara júrgizilýde. Bul týraly Ortalyq kommýnıkasııalar qyzmetinde «Pırotehnıkany paıdalaný kezindegi saqtyq jáne qaýipsizdik tehnıkasyn saqtaý sharalary týraly» taqyrybynda ótken brıfıng barysynda Ishki ister mınıstrligi ákimshilik polısııa komıtetiniń ókili Marat Otynshın málim etti.
Ol pırotehnıkalardy arnaıy ruqsat etilgen dúkenderden satyp alýǵa keńes berdi. Sondaı-aq ákimshilik polısııa komıtetiniń ókili pırotehnıkany qaýipsizdik sharalaryn saqtaı otyryp qoldaný qajettiligne nazar aýdardy.
«Jańa jyl merekesin ótkizý kezinde qoǵamdyq qaýipsizdikti qamtamasyz etý, sondaı-aq jeke jáne zańdy tulǵalardyń belgilengen azamattyq pırotehnıkalyq zattar men olar qoldanylyp jasalǵan buıymdardyń aınalymy qaǵıdalarynyń saqtalýyn baqylaý maqsatynda 2016 jylǵy 12 jeltoqsan men 2017 jylǵy 5 qańtar aralyǵynda ákimshilik polısııa, jergilikti polısııa qyzmeti jáne azamattyq qorǵaý organdary bólimsheleriniń qyzmetkerleri «Pırotehnıka» atty jedel-profılaktıkalyq is-shara júrgizilýde. Ol ruqsat etilmegen, sondaı-aq ruqsat berý qujattary joq pırotehnıkalyq buıymdardy satý faktilerin anyqtaýǵa baǵyttalǵan, adamdar jappaı jınalatyn oryndardy tekserýge erekshe kóńil bólinedi», – dep atap ótti M. Otynshın.
Aıdar О́risbaev, "Egemen Qazaqstan".