Astananyń týrıstik sımvoly jasalady, dep habarlaıdy ákimdiktiń baspasóz qyzmeti.
Astananyń týrıstik sımvoly boıynsha konseptýaldyq, dızaınerlik sheshimderdi tabý maqsatynda úzdik nobaı-jobasyna baıqaý jarııalandy. Sımvol, belgi (brend) qalanyń mártebesin, onyń týrıstik tartymdylyǵyn, kórikti jerlerin, landshaftynyń erekshelikterin jáne tarıhyn jetkizýge tıis. Sımvol jarqyn, yqsham jáne zamanaýı bolýy kerek. Tús gammasy qazaqtardyń dekoratıvti óneriniń tús jáne kompozısııalyq dástúrlerin kórsetýge tıis.Týrıstik belgide qalanyń rýhyn, onyń mánin jetkizetin túpnusqa semantıkalyq sheshimderdi, grafıkalyq elementterdi, aıryqsha urandardy qoldanýǵa bolady.Týrıstik sımvol dızaın men grafıkalyq ónerdiń zamanaýı, álemdik úderisterinde oryndalýǵa tıis.
Baıqaý 2016 jyldyń 26 jeltoqsany men 2017 jyldyń 25 qańtar aralyǵynda ótedi. Baıqaýdy uıymdastyrýshy «Astana qalasynyń Sáýlet jáne qala qurylysy basqarmasy» MM bolyp tabylady.
Baıqaýǵa nıet tanytqan kez kelgen adam qatysa alady.