«Jaltyrbulaq» kompanııasy Qaraǵandy oblysyndaǵy Jaltyrbulaq ken ornynda altyn kenin shoǵyrly siltisizdendirý qondyrǵylary keshenin jáne quramynda altyn bar kendi óńdeý modýlin iske qosty. Bul týraly «Interfaks-Kazahstan» habarlaıdy.
«Altyn kenin óńdeý nátıjesinde quramynda 75% altyny bar Dore qorytpasyn alý kózdelgen. Biregeı daıyn ónimdi Qazaqstannyń Ulttyq banki satyp almaqshy», – delingen habarlamada.
Jobanyń jalpy quny – 3,4 mlrd teńge, onyń 2,4 mlrd teńgesi derbes qarajat bolsa, 1 mlrd teńgesi qaryz kózderinen tartylǵan. Kásiporyn jylyna 500 myńnan astam ken óńdeýge qaýqarly. Daıyn ónimdi satý boıynsha jyldyq aınalymy 2 mlrd teńge shamasynda.
Jaltyrbulaq jobasy 2010 jyly qolǵa alynǵan, nysannyń qurylysy 2016 jyldyń basynda bastaldy. Jaltyrbulaq ken ornynyń geologııalyq kólemi 20 sharshy shaqyrym, onyń ishinde barlanǵany – 1 sharshy shaqyrym.