Ulttyq ekonomıka mınıstrligi áleýmettik mańyzdy azyq-túlikke «usynbaly baǵa» engizýdi usynyp otyr. Bul týraly Ulttyq ekonomıka mınıstri Qýandyq Bıshimbaev kezekti Úkimet májilisinde málim etti, dep habarlaıdy abctv.kz.
Ulttyq ekonomıka mınıstrligi áleýmettik mańyzdy azyq-túlik taýarlarynyń (ÁMAT) baǵasyn jáne onyń negizsiz ósýin retteýge múmkindik beretin keshendi sharalardy ázirledi. Sonymen qatar, bólshek saýda baǵasy shektik mániniń ornyna «usynbaly baǵa» dep atalatyn uǵym engizdi. Iаǵnı, adamdar belgili bir taýarlardyń baǵasyn ózderi baqylaı alatyn bolady.
Al, jergilikti atqarýshy organdar saýda jelilerindegi taýarlardyń qoljetimdiligine monıtorıng jasap otyrady. Osy arqyly baǵany qymbattatqan satýshylardy tártipke shaqyrýǵa bolady. Eger jańalyq qabyldanatyn bolsa, qazaqstandyqtardyń ózderi kópshilikke qajetti ónimderdiń baǵasyn baqylaı alady. «Usynbaly baǵa» tizimi BAQ pen ınternet-resýrstarda jarııalanyp, bannerlerge jazylyp, saýda nysandarynda ilinetin bolady. Bul satýshy úshin de, tutynýshy úshin de «túsinikti baǵa belgileýdi» qamtamasyz etýge múmkindik beredi deıdi mınıstrlikten.