Qazaqstan eldegi iri bankterdiń biri – Qazkommersbankke 1,5 trln teńge ($4,5 mlrd) qaryz berýi múmkin. Bul týraly derekkózge silteme jasaǵan Bloomberg habarlaıdy.
Bloomberg-tiń habarlaýynsha Qazkommersbank qazirdiń ózinde memleketten qaryz ala bastaǵan. Mysaly: 15 jeltoqsannan bastap memleketten 400 mlrd teńge qaryz alǵan.
«Memlekettik organdarǵa Qazkommersbanktiń quldyraýyna jol bermeý tapsyrylǵan. Sondyqtan bankti qutqarýdyń túrli joldary qarastyrylýda» dep jazady basylym.
Bul máselege qatysty Qazkommersbank pen Ulttyq bank ókilderi aqparat berýden bas tartqan.
Basylymnyń jazýynsha Qazkommersbankti qutqarýdyń taǵy bir joly — Halyq bankimen birigý.
Bul rette Halyq banki eger memleket Qazkom balansyndaǵy mınýs bolyp turǵan 1,5 trln teńgeni berýge kelisse, onda bankti qosyp alý baǵytynda kelissóz júrgizýi múmkin, deıdi Bloomberg.
Eske salaıyq, qarasha aıynda Nursultan Nazarbaev Bloomberg-ke bergen suhbatynda memleket Qazkommersbanktiń quldyraýyna jol bermeıtinin aıtqan bolatyn. Ol kezde qutqarýdyń 2 nusqasy aıtylǵan edi.
Biri bank aksıonerleri aktıvterin ulǵaıtýǵa qarajat tabady, ekinshisi memleketten kómek suraıdy. Qazkommersbank 2016 jyldyń qańtar-qyrkúıek aılarynyń nátıjesi boıynsha 34 bank ishinde aktıvteri boıynsha 1-shi orynǵa ıe boldy.