Aqmola oblysynda aýa raıynyń qolaısyzdyǵynan, ótken táýlikterde halyqaralyq, respýblıkalyq jáne jergilikti mańyzdaǵy 20 baǵyt boıynsha avtokólik joldary jabyldy.
Ásirese, qar aralas qatty daýyl «Kókshetaý – Astana» kúre jolynda adym jerdi kórsetpeı tastaǵan. Alaıda, polısııa jáne tótenshe jaǵdaılar tarapynan birneshe márte eskertpe jasalǵanymen, júrgizýshilerdiń basym bóligi saparyn jalǵastyryp, ózderin jáne jolaýshylardy orasan zor qaýipke ushyratýda. Basqa baǵyttarda da osyndaı keleńsizdikter oryn alǵan.
Aqmola oblystyq IID jergilikti polısııa qyzmeti táýlik boıǵy kezekshilik tártibine kóshirilip, jol-kólik oqıǵalarynyń aldyn alýǵa yqpal jasaýda.
Barlyq baǵyttarda qosymsha 40 post jáne jol-patrýldik qyzmetiniń ekıpajy qurylyp, oǵan 200 qoǵamdyq qaýipsizdik ókili jumyldyryldy. Osynyń arqasynda, 3000-nan astam kólik qaýipsiz jerlerge shyǵarylǵan.
Baqbergen AMALBEK,
«Egemen Qazaqstan»
Aqmola oblysy