Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Qazaqstannyń bıznes ahýalyn ári qaraı jetildirý máseleleri jóninde keńes ótkizdi, dep habarlady Premer-Mınıstrdiń baspasóz qyzmeti.
Keńes barysynda halyqaralyq sarapshylardyń usynystary eskerile otyryp ázirlengen jáne Dúnıejúzilik banktiń «Doing Business» tizimindegi Qazaqstan pozısııasyn jaqsartýǵa baǵyttalǵan jańa zań shyǵarý bastamalarynyń paketi qarastyryldy.
2016 jylǵy 25 qazanda jarııalanǵan «Doing Business» reıtıngisiniń nátıjesi boıynsha Qazaqstan óz reıtıngin ótken jylmen salystyrǵanda 16 orynǵa joǵarylatyp, 35 oryndy ıelendi jáne Belgııa (42), Italııa (50), Izraıl (52), Grekııa (61), Túrkııa (69) sekildi EYDU elderinen joǵary orynǵa shyqty.