Astananyń «jedel járdem» qyzmetine jylyna 3 myńnan astam shaqyrtý keledi. JRVI-men (jiti respıratorly vırýsty ınfeksııa) aýyratyndar sany tolastamaı otyr, dep habarlady QazAqparat.
Astana qalasynyń densaýlyq saqtaý basqarmasynyń 23 jeltoqsandaǵy málimetteri boıynsha, «jedel járdem» qyzmetine júgingen 3220 adamnyń 742-si JRVI-ge shaldyqqandaryn aıtqan.
«23 jeltoqsandaǵy jaǵdaı boıynsha, «jedel járdem» qyzmetine 3320 adam qaıyrylǵan, 1959 ret shaqyrtý joldaǵan. JRVI sany - 742, olardyń arasynda: 1 jasqa deıingi balalar - 112, aýrýhanaǵa jatqyzylǵany - 8, 18 jasqa deıingiler - 428, aýrýhanaǵa jatqyzylǵandary - 18, eresekter - 202, aýrýhanaǵa jatqyzylǵandary -20»,-dep habarlady qalalyq densaýlyq saqtaý basqarmasy.
Aıta keteıik, ótken aptada tumaý juqtyrǵandar sanynyń sharyqtaý shegi 19-20 jeltoqsanǵa keldi. Ol kezde «jedel járdem» qyzmetine júgingender sany 800-den asty. Medısına qyzmetkerlerine qala emhanalarynan qosymsha mamandar tartylyp, kúsheıtilgen rejimde jumys istedi.