Atyraýda Dostyq úıi salynady, dep málimdedi Atyraý oblysynyń ákimi Nurlan Noǵaev Qazaqstan halqy Assambleıasynyń bıylǵy jylǵy sońǵy sesııasynda.
«Qazirgi tańda ǵımarattyń eskızi daıyndalyp jatyr. Men barlyqtaryńyzdan bul ǵımaratta ne bolýy qajettigi jónindegi usynystaryńyzdy kútemin. Ol bizdiń birlesip atqaratyn jumystarymyzdyń josparyn talqylaıtyn, kúndelikti jumys barysynda atqarylatyn sharalardy ortaǵa salý úshin jınalatyn oryn bolýy kerek. Bul - horeografııalyq zal, sheberhanalar, lıngafon kabınetteri sııaqty etnomádenı birlestikter úshin barlyq qajettiliktermen qamtamasyz etilgen zamanǵa saı ǵımarat bolady. Eger sizder oǵan qandaı da bir usynys engizgilerińiz kelse, biz olardy qýana qabyldaımyz. Osy usynystar negizinde joba-smetalyq qujattardy daıyndaý jumystary bastalady», - dedi Nurlan Noǵaev.
Aıta keteıik, Atyraý oblysynda barlyǵy 17 etnomádenı birlestik jumys isteıdi.