Qyzylorda oblysynda júrgizilgen qarqyndy jumystarǵa baılanysty týberkýlez boıynsha epıdemıologııalyq jaǵdaı turaqty bolyp qalýda. Bul týraly Qyzylorda oblysynyń densaýlyq saqtaý basqarmasynyń basshysy Aqmaral Álnazarova habarlady.
- Týberkýlezben aýrýshańdyq kórsetkishi 2015 jyldyń 10 aıymen salystyrǵanda 6,7%-ǵa, (2015 jyly – 62,3, 2016 jyly – 58,1, maqsatty ındıkator -70,6, QR -54,2), ólim-jitim kórsetkishi 16,7%-ǵa (2015-3,6; 2016-3,0; maqsatty ındıkator – 4,0; QR – 3,2) tómendedi. Alǵash ret anyqtalǵan sezgish týberkýlezben aýyratyndardy emdep shyǵarý kórsetkishi 86,7%-dy (DDU boıynsha 85% tómen bolmaý kerek, nysanaly kórsetkish 85%, QR 87,0) qurady. Týberkýlez oshaǵyndaǵy barlyq balalar ýaqytyly tekserilip, dıspanserlik esepke alynǵan,- dedi Aqmaral Álnazarova.
Oshaqtaǵy mektep jasyna deıingi balalardyń barlyǵy 100% paıyz oqshaýlanǵan. Týberkýlezge shaldyqqan naýqastardyń áleýmettik jaǵdaıynyń em nátıjesine yqpaly zor. Qazirgi tańda ambýlatorııalyq deńgeıde em alatyn naýqastarǵa beriletin respýblıka boıynsha eń joǵary áleýmettik kómek Qyzylorda oblysynda. Osy maqsatta jergilikti bıýdjetten 133,1 mln. teńge qarjy bólindi.