Brıtandyq boksshy Krıs kishi-Iýbenk (23-1, 18 KO) iFL TV-ge bergen suhbatynda qazaqstandyq Gennadıı Golovkınmen (36-0, 33 KO) bolatyn jekpe-jektiń nelikten buzylǵanyn aıtty, dep habarlaıdy Sports.kz. Suhbat barysynda ol kelesi jyly Golovkınmen bokstasatynyna úmittenetinin aıtypty.
«Eddı Hırn bul jaǵdaıdan ońaı shyǵýdyń jolyn tapty - aıqasty Kell Brýkke berdi. Biz Golovkınmen bolatyn jekpe-jektiń kelissózderin júrgizdik jáne ol aıaqtalýǵa jaqyn qalyp edi. Alaıda, biz usynylǵan dúnıeniń barlyǵyna kelise beretinderdiń qatarynan emespiz. Biz ózimizge laıyq sharttar oryndalsa ǵana aıqasamyz. Kell bolsa Eddıdiń usynystarynyń barlyǵyna kelisedi. Adamdar menen «Golovkınmen jekpe-jektiń bolmaǵany úshin qynjylasyń ba?» dep suraıdy. Bul jiberip alynǵan múmkindik, biraq sebepsiz eshteńe bolmaıdy. Biz áli de aıqasty uıymdastyra alamyz jáne ol 2017 jyly ótedi dep úmittenemin», - dep keltiredi Iýbenktiń sózin.