Sporttyń barlyq túri de paıdaly ekeni dáleldengen. Alaıda, Atyraýda kenjelep qalǵan sporttyń qataryna úlken tennısti de jatqyzýǵa bolady. Endi sol olqylyqtyń ornyn toltyrady degen úmitpen arnaıy salynǵan ortalyqtyń aýmaǵy 4,9 myń sharshy metrdi, al jer telimi 2,1 gektardy quraıdy. Bas merdigerlikke tańdalǵan «BatysAlıansStroı» JShS júrgizgen sport nysanynyń jobasyn «Polımer» seriktestigi daıyndaǵan. Úlken tennıs federasııasy Atyraý oblystyq fılıalynyń dırektory Vera Tıhomırovanyń aıtýynsha, tennıs kortyna «Green Set» markaly joǵary sapaly jabyndysy paıdalanylǵan. О́ıtkeni, sheteldik maman-sarapshylar tennıs kortyna dál halyqaralyq talaptarǵa sáıkes keletin dál osy materıaldyń tóselgenin qalaıdy. Sol sebepten, Atyraýdaǵy tennıs korty sheteldik sarapshylar tarapynan birneshe ret tekserilgen.
Tennıs ortalyǵynda 8 kort bar. Onyń tórteýi jabyq keshenniń ishinde, taǵy tórteýi jazǵy alańda ornalasqan. Úlken tennıs saıystaryn bir mezgilde 300 adamnyń tamashalaýyna múmkindik jasalyp otyr.
Joldasbek ShО́PEǴUL,
«Egemen Qazaqstan»
ATYRAÝ