Air Arabia avıakompanııasynyń Astana-Shardja reısi keıinge shegerildi. Bul týraly QR IDM Týrızm ındýstrııasy departamentiniń basshysy Marat Iǵalı óziniń Feısbýktaǵy paraqshasynda habarlady.
«Búgin Astana áýejaıynda kólik prokýratýrasy qyzmetkerlerimen birge keıinge shegerilgen Arabia avıakompanııasynyń Astana-Shardja reısi jolaýshylarymen kezdesip qaıttyq. Jaǵdaıdy túsindirdik. Barlyq suraqtaryna jaýap berdik» dep jazdy ol áleýmettik jelide.
«QR IDM Týrızm ındýstrııasy departamenti QR Syrtqy ister mınıstrligimen únemi baılanysta. Bizdiń dıplomattar arabııalyq áriptesterimen tıisti jumystardy júrgizip jatyr» degen málimet keltiredi Marat Iǵalı.
Eske sala keteıik, buǵan deıin BAQ 170 jolaýshy Astanadan BAÁ-ge usha almaı otyrǵanyn habarlaǵan bolatyn.