Air Arabia áýekompanııasynyń Qazaqstandaǵy ókildigi taratqan aqparatqa sáıkes Shardja qalasyndaǵy (Birikken Arab Ámirligi) ushý qaýipsizdigine áser etetin aýa raıy qolaısyzdyǵyna baılanysty (qatty tuman, nashar kóriný) Air Arabia-nyń 2016 jylǵy 29,30,31 jeltoqsanǵa josparlanǵan Shardja - Astana jáne Shardja - Almaty baǵytyndaǵy reısterine shekteý qoıyldy dep habarlaıdy QR Investısııalar jáne damý mınıstrliginiń baspasóz qyzmet.
Sonymen qatar álemniń basqa da ondaǵan memleketine (Armenııa, Ýkraına, Reseı, Bahreın, Qatar, Egıpet jáne t.b.) ushýy josparlanǵan reıster keıinge shegerildi. Qalyptasqan jaǵdaıdy sheshý úshin QR Inestısııalar jáne damý mınıstrliginde Týrızm ındýstrııasy departamenti, Azamattyq avıasııa komıteti, Qazaqstan Respýblıkasy Syrtqy ister mınıstrligi qyzmetkerlerinen turatyn jedel basqarý shtaby qurylyp, qyzmet etýde.
BAÁ-niń sáıkes memlekettik organdary men Air Arabia áýekompanııasyna reısterdi shekteýdiń saldarynan oryn alǵan jaǵdaıdy jáne qazaqstandyq jolaýshylardy elge qaıtarý máselesin jedel túrde retteý týraly talappen Azamattyq avıasııa komıtetinen resmı hattar jáne QR SIM notasy jiberildi.
Jolaýshylardyń 300 adamnan turatyn bir bóligi basqa turaqty áýekompanııa reısterimen jáne SCAT áýekompanııasynyń Shardja – Almaty – Shardja baǵyty boıynsha ushatyn qosymsha reısimen jetkizildi. Air Arabia áýekompanııasynyń aqparaty boıynsha keıinge shegerilgen reısterdiń jolaýshylaryna bılet tarıfiniń tolyq quny óteletin bolady.
Air Arabia áýekompanııasynyń Shardja – Almaty – Shardja reısiniń oryndalýy osy jyldyń 2 qańtaryna josparlanǵan bolatyn. Biraq, aýa raıynyń óte qolaısyz bolyp turǵanyna baılanysty reıs keshiktirilýi múmkin.
Qazaqstandyq týrısterge saparlaryn týroperatorlarmen kelisip belgileý usynylady. Al, reıstiń keıinge shegerilýi uzaqqa sozylatyn bolsa, Air Arabia áýekompanııasynyń ókildigine bılet qunyn ótep alý jóninde habarlasýǵa bolady.