3 qańtar kúni aýa raıynyń buzylýyna baılanysty «Astana-Kókshetaý» trassasy jabyldy. «Qazavtojol» RMK-nyń málimetteri boıynsha, Aqmola oblysynda saǵat 15-00-den bastap, aýa raıynyń buzylýyna baılanysty (burqasyn, jol kórinisiniń shekteýligi) «Jezqazǵan-Petropavl» (377-440 km) avtojolynyń boıynda barlyq kólik quraldary úshin qozǵalys toqtady.
Qostanaı oblysynda saǵat 12-15-ten bastap, burqasynyń saldarynan «Áýlıekól-Joldama» (0-257 km) jolynyń oblystyq mańyzdaǵy bóliginde barlyq kólikter úshin qozǵalys toqtatyldy.
Pavlodar oblysynda saǵat 12-00-den bastap, oblystyq mańyzdaǵy «Pavlovka-Galıskoe» (0-40 km), «Shaqat-Vostochnoe-Shaldaı» (0-121 km) jolynyń bóligi barlyq kólik túrleri úshin jabyq.
Almaty oblysynda saǵat 19-00-den bastap (2 qańtar), aýa raıynyń buzylýyna baılanysty (burqasyn, jol kórinisiniń shekteýligi) oblystyq mańyzdaǵy «Taldyqorǵan-Qapal» (0-76 km) men «Saryózek-Qoǵaly» joldarynyń boıy barlyq kólik quraldary úshin jabyldy.
Shyǵys Qazaqstan oblysynda saǵat 17-30-dan bastap, aýa raıynyń buzylýyna baılanysty (burqasyn, jol kórinisiniń nasharlaýy) respýblıkalyq mańyzdaǵy «Semeı-Qaınar» (8-284 km) men (О́skemen-Semeı) (150-198 km, Semeı- Shúlbi), oblystyq mańyzdaǵy «Semeı-Qaraýyl» (4-80 km), «Dmıtrıevka-Borodýlıha-Shemonaıha» (0-87 km) «Borodolýha-Jezkent» (0-49 km) joldary barlyq kólik quraldary úshin jabyq.