AQSh basylymdary Facebook kompanııasynyń negizin qalaýshy Mark Sýkerbergtiń sońǵy kezderi Sılıkon ańǵaryndaǵy kompanııa basshysynan góri, úkimettik máselelermen aınalysatyn saıasatkerlik qyrlarynyń baıqalyp júrgenin jazady.
Birer kún buryn 2017 jylǵy josparymen bólisken kezde bıyldan qalmaı AQSh-tyń barlyq shtatyn aralap shyǵatynyn aıtqan edi. Jas ónertapqyshtyń bul sózin sarapshylar bıznesmenniń emes, saıasatkerdiń sózi ekenin aıtady.
Sonymen qatar sol joly Sýkerberg óziniń dindi ómirdiń óte mańyzdy bólshegi retinde tanıtynyn moıyndady. Erterekte Mark ateıstik kózqarasta ekenin málimdegen bolatyn.
Al 2016 jyly Sýkerberg Sılıkon ańǵaryndaǵy kompanııa ókilderiniń bılikte óz ókilderiniń bolýy kerektigin aıtqan kezderi de bolǵan.
2015 jyldyń tamyzynda bolsa, Sýrkeberg ótken jylǵy saılaýdaǵy úmitker Klıntonnyń tobyndaǵy sarapshylardyń biri Djon Podestamen hat almasyp, onda kópshilik aldynda ózin ustaý ádepteri týraly aqyl suraǵan kezderi bolǵan eken. Bul ózara almasqan hat mátini keıin Wikileaks saıtyna da shyǵyp ketken edi.