Mınsk qalasynda short-trekten ótip jatqan Álem kýbogynyń altynshy kezeńinde qazaqstandyq Denıs Nıkısha 500 metr qashyqtyqta altyn júldeger atandy.
Elimizdiń atynan Abzal Ájiǵalıev pen Denıs Nıkısha jartylaı fınalda óz toptarynan ozyq shyqty. Denıs máre syzyǵyna birinshi bolyp, Álem kýbogyndaǵy tuńǵysh altyn medaline qol jetkizse, Abzal kúmis júldeger atandy.
Aıta keteıik, keshe Nurbergen Jumaǵazıev 1 myń metr qashyqtyqta qola júldege qol jetkizgen. Búgin ol osy qashyqtyqta jartylaı fınalda jaqsy nátıje kórsetip, sońǵy básekege joldama aldy.
Sonymen qatar, Qazaqstan ulttyq quramasy altynshy kezeńniń qorytyndy 5 myń metrlik estafetalyq jarysta bas fınalda óner kórsetedi.