Ulttyq ekonomıka mınıstrligi memlekettik sektordyń vedomstvolyq baǵynysty uıymdaryndaǵy kadr resýrstaryn basqarýdy ońtaılandyrýǵa baǵyttalǵan buıryqty bekitti, dep jazady Egemen.kz.
Bul qujat bir mezgilde eńbekaqy tóleý qoryn túzete otyryp, alty aıdan artyq bos turǵan shtat birlikterin qysqartýdy kózdeıdi. Alaıda atalǵan normalar birinshi basshylardyń, maýsymdyq qyzmetkerlerdiń, ıadrolyq fızıka, joǵary tehnologııalyq jabdyqtar boıynsha nemese sırek kezdesetin ınjenerlik maman sekildi, onsyz uıymnyń jumys isteýi múmkin emes biregeı óndiristik jáne joǵary mamandandyrylǵan qyzmetkerlerdiń laýazymyna, sondaı-aq eńbek zańnamasyna sáıkes jumys ornyn saqtaý jaǵdaıynda qoldanylmaıdy.
Memlekettik mekemelerde JI-ge shekteý qoıý kerek - depýtat
Damý jospary qaıta qaraladySonymen qatar ózgerister kezinde uıymdardyń damý josparyna túzetýler engizýdiń tártibi belgilendi. Uzaq ýaqyttan beri jarııalanǵan bos jumys orny anyqtalǵan kezde, atqarýshy organ bos jumys ornyn qysqartý men eńbekaqy tóleý qory týraly málimetti qosqanda, usynylǵan ózgeristi negizdeı otyryp, naqtylanǵan damý josparyn usynýǵa mindetti. Naqtylanǵan jospardy qaraý men bekitý belgilengen merzimde, bıylǵy 25 maýsym men 25 jeltoqsannan keshiktirilmeı júzege asyrylady.
Memlekettik mekeme basshylaryna kásipkerlikpen aınalysýǵa bola ma?
Sondaı-aq esep berýge qoıylatyn talap ta naqtylandy: uıymdar personal men eńbekaqy tóleý qory týraly málimetti, sonyń ishinde bos shtat birligin qysqartý týraly derekti kórsetedi.
«Qabyldanyp otyrǵan bul sharalar kadr úderisteriniń ashyqtyǵyn arttyrýǵa, bıýdjet qarajatyn utymdy paıdalanýǵa jáne memlekettik uıymdardaǵy adamı resýrsty basqarý tártibin kúsheıtýge arnalǵan», delingen mınıstrlik málimdemesinde.