BJZQ salymshylar arasynda telefon arqyly jasalatyn alaıaqtyqtyń jańa túrine baılanysty shaǵymdardyń kóbeıgenin habarlady. Qaskóıler ózderin Qor qyzmetkerleri retinde tanystyryp, azamattarǵa eńbek ótiliniń bir bóligi esepke alynbaǵanyn jáne qaıta esepteý arqyly bolashaq zeınetaqy mólsherin arttyrýǵa bolatynyn aıtady, dep habarlaıdy Egemen.kz
Qordyń málimetinshe, alaıaqtar resmı áńgime júrgizip otyrǵandaı áser qaldyrý úshin bólimshelerdiń naqty mekenjaılaryn atap, azamattardy keńselerge kelýge shaqyrady. Qyzmet kórsetýdi «jedeldetý» maqsatynda olar elektrondy kezekke aldyn ala jazylýdy usynyp, SMS arqyly kelgen kodty aıtýdy suraıdy.
ShQO-da polıseıler zeınetkerdi alaıaqtardan qutqaryp qaldy
Keıbir jaǵdaılarda salymshylar mundaı kodtardy aıtyp qoıǵan. Sonyń saldarynan alaıaqtar olardyń jeke derekterine qol jetkizgen.
BJZQ qyzmetkerleri eshqashan SMS-kodtardy, qupııasózderdi, bank derektemelerin nemese basqa da qupııa aqparatty surap qońyraý shalmaıtynyn eskertedi. Qordyń barlyq qyzmetteri tegin kórsetiledi jáne qoldanystaǵy zańnamaǵa sáıkes júzege asyrylady. Al zeınetaqy tólemderin rásimdeý tek resmı arnalar arqyly júrgiziledi.
Qaraǵandyda zeınetkerlerdi aldaǵan alaıaq ustaldy
Sondaı-aq Qor azamattyń aty-jóni, JSN-i, mekenjaıy nemese jumys orny sııaqty jeke málimetterdiń belgili bolýy qońyraý shalýshynyń shynymen Qor qyzmetkeri ekenin dáleldemeıtinin atap ótti. О́ıtkeni mundaı aqparat ashyq derekkózderden alynýy múmkin.
Osyǵan baılanysty azamattarǵa telefon arqyly kelgen kodtardy jáne jeke derekterin eshkimge habarlamaý, kúmándi qońyraýlardy birden toqtatý, aqparatty BJZQ-nyń resmı servısteri arqyly tekserý jáne qajet bolǵan jaǵdaıda quqyq qorǵaý organdaryna júginý usynylady.