Qazaqstanda salynyp jatqan turǵyn úılerden páter satyp alýǵa múmkindik beretin «Orda Aımaq Plıýs» atty jańa óńirlik ıpotekalyq baǵdarlama iske qosyldy. Baǵdarlamanyń operatory – Qazaqstan turǵyn úı kompanııasy, dep jazady Egemen.kz.
Jańa ıpotekalyq ónim sheńberinde azamattar bastapqy naryqtaǵy turǵyn úıdi jyldyq 10,9%-dan bastalatyn mólsherlememen satyp ala alady.
Baǵdarlamanyń sharttaryna sáıkes, syıaqy mólsherlemesi 10,9%-dan 14,9%-ǵa deıin, al jyldyq tıimdi syıaqy mólsherlemesi (JTSM) 11,7%-dan 16,2%-ǵa deıin belgilengen.
Bastapqy jarna kólemi turǵyn úı qunynyń 20%-ynan bastalady. Nesıeniń eń joǵary somasy 75 mln teńgeni, al óteý merzimi 20 jylǵa deıingi kezeńdi quraıdy.
Baǵdarlamanyń taǵy bir ereksheligi – qaryz alýshyǵa qosymsha kepilzat usynýdyń qajeti joq. Kepil retinde ıpoteka arqyly satyp alynatyn turǵyn úıdiń ózi rásimdeledi. Sondaı-aq qaryzdy rásimdeý kezinde birlesken qaryz alýshylardy tartýǵa múmkindik qarastyrylǵan.
Shildeden bastap ıpoteka alý qıyndaıdy: Sarapshylar ne deıdi?
«Orda Aımaq Plıýs» baǵdarlamasy Qazaqstan turǵyn úı kompanııasynyń kepildigi berilgen óńirlik turǵyn úı jobalaryna arnalǵan.
Qazirgi ýaqytta baǵdarlama arqyly О́skemen qalasyndaǵy «Prestıj» turǵyn úı kesheninen páter tańdaýǵa bolady. Aldaǵy ýaqytta basqa da turǵyn úı nysandaryn baǵdarlamaǵa qosý josparlanyp otyr.
«Bankter ıpotekalyq baǵdarlamany qysqartýy múmkin». Sarapshy taǵy qandaı táýekelderdi aıtty?