Bıyl jyl basynan beri memlekettik bıýdjettiń kirisi jospardan artyǵymen oryndalyp, el qazynasyna 11,4 trln teńgeden astam qarajat tústi. Bul týraly Qarjy mınıstrligi málimdedi, dep habarlaıdy Egemen.kz.
Mınıstrliktiń deregine súıensek, jospar boıynsha 7,34 trln teńge kózdelgenimen naqty túsimder 7,41 trln teńgege jetken. Bul josparlanǵan mejeden 66,7 mlrd teńgege joǵary ekenin aıǵaqtaıdy. Osylaısha respýblıkalyq bıýdjet kirisiniń ósim qarqyny byltyrǵa qaraǵanda 25,1% nemese 1,48 trln teńgege artyp otyr.
Sonyń esebinen jergilikti bıýdjetterdiń kirisi 4,05 trln teńgege ulǵaıǵan.
«Respýblıkalyq bıýdjettiń transferttersiz kirister qurylymynda 97,7% salyq túsimderine tıesili. Soǵan sáıkes jospar 5% artyǵymen oryndalyp, ósim 30,6% asa ulǵaıtyldy. Aıtarlyqtaı ósim qosylǵan qun salyǵy, korporatıvti tabys salyǵy, paıdaly qazbalardy óndirý salyǵy jáne shıki munaıǵa eksporttyq kedendik baj esebinen qamtamasyz etildi. Álemdik shıkizat naryqtaryndaǵy qolaıly baǵa konıýnktýrasy, ekonomıkanyń ósimi, iskerlik belsendilik pen salyq reformasy kiristerdiń artýyna negizgi faktor boldy» delingen mınıstrlik habarlamasynda.
Vedomstvo málimetinshe, bul azamattardyń ómir súrý sapasyn arttyrýǵa baǵyttalǵan ınfraqurylymdyq jobalardy iske asyrýǵa múmkindik beredi.
Qazaqstannyń depozıtterge kepildik berý qory: Teńgelik depozıtter tabys tabýdyń quralyna aınaldy
Atap aıtqanda negizgi basymdyqtarynyń qatarynda avtomobıl joldaryn salý men jańǵyrtý, ınjenerlik jáne kommýnaldyq ınfraqurylymdy jetildirý, sondaı-aq energetıka, sýmen jabdyqtaý jáne sıfrlandyrý salalaryndaǵy jobalardy júzege asyrý mindetteri bar.
Eske sala keteıik, mamyr aıynda Qazaqstanda depozıt mólsherlemeleri 20,5%-ǵa deıin ósken edi.