Eýropadaǵy jetekshi júk tasymaldaýshylardyń biri Lıýksembýrgtiń Cargolux Airlines International – 1 maýsymnan bastap Qazaqstan arqyly tranzıttik reısterin qaıtadan iske qospaq. Bul týraly Qazaqstannyń Syrtqy ister mınıstrligi málimdedi, dep habarlaıdy Egemen.kz.
Mınıstrliktiń málimetinshe, áýe tasymaldaýshysy reısterdi Astana halyqaralyq áýejaıy arqyly júzege asyrady. Kompanııa aptasyna 14-ke deıin tranzıttik reıs oryndaýdy josparlap otyr.
Ázirge árbir reıstiń baǵyty men kestesine qatysty tolyq aqparat jarııalanbady.
Bloger men onyń oqyrmandary áýe kompanııasyn satý alý úshin 132 mln dollar jınaǵan
Eske salaıyq, Cargolux Airlines Qazaqstan aýmaǵy arqyly júk tasymalyn 2007 jyldan beri júzege asyryp kelgen. Alaıda 2023 jyly kommersııalyq jaǵdaılardyń nasharlaýyna baılanysty, sonyń ishinde avıasııalyq otyn qunynyń qymbattaýyna baılanysty tranzıttik reısterin toqtatqan edi.
Cargolux Airlines International – álemniń 90-nan astam baǵyty boıynsha turaqty jáne charterlik júk reısterin oryndaıdy. Áýe kompanııasynyń parki 30 júk ushaǵynan quralǵan eken.
Buǵan deıin SCAT áýe kompanııasynyń jolaýshysy ushaqpen tasymaldanǵan mysyǵyn Almaty áýejaıynda kádimgi júk taspasy arqyly bergenine narazylyq bildirgenin habarlaǵanbyz.