Aqmola oblysynyń Shýchınsk qalasyndaǵy «Palaý ortalyǵynda» bolǵan jarylysqa qatysty sotqa deıingi tergeý aıaqtaldy, dep habarlaıdy Egemen.kz oblystyq prokýratýraǵa silteme jasap.
Tergeý barysynda 3 naýryz kúni dámhana ıesi ustalǵan. Keıin 20 sáýirde avtogaz quıý stansııasynyń dırektory men gaz ballondaryn jetkizýshi de qamaýǵa alyndy. Olar órt qaýipsizdigi talaptaryn saqtamady jáne qyzmet kórsetý barysynda zań talaptaryn buzdy degen kúdikke ilingen.
Qazirgi ýaqytta kúdiktilerdiń ekeýi qamaýda otyr, al úshinshi tulǵa úıqamaqqa alynǵan.
Aqmola oblysy prokýratýrasynyń málimetinshe, qylmystyq is boıynsha sotqa deıingi tergeý tolyq aıaqtalyp, taraptar is materıaldarymen tanysý kezeńine ótken.
Eske salsaq, Shýchınsk qalasyndaǵy «Palaý ortalyǵynda» gaz jarylyp, artynsha órt shyqqan bolatyn. Qaıǵyly oqıǵa 27 aqpanǵa qaraǵan túni bolyp, saldarynan 12 adam qaza tapty.
Qazir is boıynsha barlyq qajetti prosessýaldyq sharalar júrgizilip jatyr. Materıaldar jaqyn arada sotqa joldanady.