Almaty oblysynda 29 jastaǵy er adam ystyq sý kózderi ornalasqan demalys aımaqtarynyń birinde qaza tapty. dep habarlaıdy Egemen.kz
Qaıǵyly oqıǵa týraly aqparat áleýmettik jelilerde tarady. Marqumnyń týystary ony áriptesteri taspen uryp-soǵyp, tirideı kómip ketken bolýy múmkin dep málimdegen. Onyń denesi birneshe kúndik izdeý jumystarynan keıin tabyldy.
О́ńirlik polısııa departamentiniń baspasóz qyzmeti kúdiktilerdiń izin sýytpaı ustalǵanyn rastady.
Polısııa málimetinshe, 27 mamyr kúni Uıǵyr aýdandyq polısııasyna áıel adam ulynyń joǵalǵany týraly aryz túsirgen. Onyń aıtýynsha, uly jumys ornyna ketkennen keıin baılanysqa shyqpaı qalǵan. Izdeý sharalarynyń nátıjesinde marqumnyń denesi jumys ornyna jaqyn jerden tabylǵan.
Aldyn ala málimetter boıynsha, spırttik ishimdik ishkennen keıin er adam men onyń áriptesteri arasynda janjal týyndaǵan.
Eki kúdikti qamaýǵa alyndy. Al oqıǵa kezinde sol kompanııada bolǵan úshinshi adamǵa qatysty prosessýaldyq sheshim tergeý nátıjesine qaraı qabyldanady.