Qazaqstanda balalar men jas óspirimderdi turaqty túrde dene shynyqtyrýmen jáne sportpen shuǵyldanýǵa tartýǵa erekshe nazar aýdarylyp keledi. Osy baǵyttaǵy jumystar aıasynda bıylǵy jazǵy kezeńge arnalǵan buqaralyq sporttyq is-sharalardyń respýblıkalyq tizbesi bekitildi. Oǵan elimizdiń túkpir-túkpirinen 30 myńǵa jýyq bala men jasóspirim qatysady dep josparlanýda, dep habarlaıdy Egemen.kz
Jazǵy maýsymdaǵy eń iri balalar jarystarynyń qatarynda aýyl jasóspirimderiniń V jazǵy oıyndary, kishi jasóspirimder arasyndaǵy respýblıkalyq CHEMPIONDAR LIGALARY jarysy men uldar men qyzdar arasynda 5-6 jáne 7-8synyp oqýshylary arasynda fýtboldan «Bylǵary dop» respýblıkalyq týrnıri, sondaı-aq bastaýysh synyp oqýshylaryna arnalǵan «Baldaýren» fýtbol jarysy (1–4 synyptar) ótpek. Al kúzgi maýsymnyń bastalysymen osy bastamalardyń jalǵasy retinde 2013–2014 jyly týǵan oqýshylar arasynda shaǵyn fýtboldan «Altyn kúz» balalar fýtbol lıgasy ótedi.
Atalǵan jarystar balalardyń dene belsendiligin arttyryp qana qoımaı, olardyń salaýatty ómir saltyn ustanýyna, komandalyq rýhty qalyptastyrýyna jáne sporttyq sheberligin shyńdaýyna múmkindik beredi. Sońǵy jyldary elimizde dene shynyqtyrýmen jáne sportpen júıeli túrde aınalysatyn azamattar sany turaqty ósip keledi. Máselen, 2023–2025 jyldar aralyǵynda bul kórsetkish 40,4 paıyzdan (8,0 mln adam) 44,5 paıyzǵa deıin (8,5 mln adam) ulǵaıdy.
Elimizde balalar sportyna qandaı qoldaýlar qarastyrylǵan?
Sonyń ishinde 4 pen 17 jas aralyǵyndaǵy dene shynyqtyrýmen jáne sportpen turaqty aınalysatyn balalar men jasóspirimderdiń sany 1,8 mıllıon adamǵa jetip, atalǵan jas sanatyndaǵy balalardyń jalpy sanynyń 34,6 paıyzyn qurady.
Balalar sportyn damytýǵa baǵyttalǵan mundaı bastamalar óskeleń urpaqtyń densaýlyǵyn nyǵaıtýǵa, buqaralyq sportty damytýǵa jáne bolashaq chempıondardy tárbıeleýge yqpal etedi.