О́tken jyldan beri 70 myń tonnadan astam aqtóbelik rels ónimderi joldy aǵymdaǵy jáne kúrdeli jóndeýge jumsaldy, dep habarlady «Qazaqstan temir joly» UK» AQ baspasóz qyzmeti.
Aqtóbe rels arqaýy zaýytynyń ónimderi respýblıkanyń magıstraldyq jelisine 500 shaqyrymǵa jýyq jolǵa tóseldi.
«QTJ» UK» AQ Magıstraldyq jeli dıreksııasynyń menedjeri S. Álıevtiń aıtýynsha, aqtóbelik relster barlyq temirjol boılaryna jetkizilýde. Aqtóbelik rels ónimderi ótken jyldan beri Almaty-1-Shý ekinshi temirjol jelisi, Quryq porty parom kesheniniń kire berisine, Astana vokzal kesheni qurylysyna jumsalýda. Barlyq osy nysandarǵa ótken jyly 14 myń tonna rels ónimderi jetkizildi. «QTJ» UK» AQ men «ARAZ» JShS arasyndaǵy magıstraldyq jelini jańǵyrtýǵa arnalǵan uzaqmerzimdik kelisimge sáıkes 2022 jyldarǵa deıin 600 myń tonnadan astam rels jetkizý josparlanyp otyr.