Jumyspen qamtý baǵdarlamasyna ózgerister engiziletini týraly QR Eńbek jáne halyqty áleýmettik qorǵaý mınıstrligi men basqa da memlekettik mekemeler ókilderi qatysqan jıynda aıtyldy.
Onda joǵary jáne arnaýly bilimi bar jastardy eńbekpen qamtý aqsap turǵany sóz boldy.
Osyǵan jaýapty vedomstvo basshysy Tamara Dúısenova: «Jumyspen qamtý baǵdarlamasyna ózgerister ázirlenip jatyr», – deıdi.
Jańa jobada jastardyń oqý aqysy men ózge shyǵyndaryn memleket tóleıtini aıtyldy. Ol úshin bıýdjetten 85 mlrd teńge bólý qarastyrylýda.
«Biz jańa baǵdarlamada jumys berýshiniń tapsyrysy boıynsha oqytý máselesin alyp tastaǵan bolatynbyz. Sondyqtan qaıtadan qosyp jatyrmyz. Eger de jumys berýshi oqytatyn bolsa, 80 paıyzǵa deıin qarajatyn ol tólep, 20 paıyzyn memleket tólep, daıarlap berý máselesin qaıtadan qoıaıyn dep otyrmyz. Sodan keıin jumyspen qamtý tek qana Eńbek mınıstrliginiń jumysy emes, ol barlyq mınıstrliktiń jumysy dep belgilenip, árbir mınıstrliktiń ózderine qajetti fýnksııalaryn qoıyp jatyrmyz», dedi QR Eńbek jáne halyqty áleýmettik qorǵaý mınıstri Tamara Dúısenova.