Hosh keldiń, «Mersıshor»!..

Oblys ortalyǵyndaǵy Dos­tyq úıinde kóktem mere­kesin qarsy alǵan «Býkovıno» atalatyn rýmyn-moldavan etnomádenı birlestiginiń ókilderi osylaı deıdi. Naý­ryzdyń alǵashqy kúnderi Moldova jáne Rýmynııada kóktemdi qarsy alý ǵana emes, salt-dástúr merekesi sanalady eken. Ortalyq jetekshisi Aýrıka Dıak Mersıshor da Naýryz meıramy sııaqty kóktem, jańarý merekesi. Bul merekede bir-birimiz­ge aq, qyzyldy-jasyldy jipterden jasalǵan gúl túrindegi shaǵyn ilmekterdi syılaımyz. Bul syılyqtar, merekeniń aty sııaqty mersıshor dep atalady. Bul ilmekterdi sáýirdiń ortasyna deıin moınymyzǵa taǵyp júremiz de, sodan soń, aǵashtarǵa yrym etip tilek oryndalsyn dep baılaımyz. Bul sondaı kóne, ańyzǵa arqaý bolǵan merekemiz sanalady. Sondyqtan Dostyq úıinde ótken kóktemdi qarsy alý sharasynda biz bul ańyzdardyń bárin de aıtyp, kórsetip berdik. Maqsat − jastarymyz, kishkentaı rýmyn-moldavan ul-qyzdary bilsin, ózderiniń salt-dástúrlerin umytpasyn degen oı. Biz Qazaq jerinde tatý-tátti ómir súrýdemiz. Barlyq meıramdar bárimizge ortaq. Naýryzdy biz de asyǵa kútemiz. Elbasyna únemi rahmet aıtamyz, deıdi. Sóıtip, Dostyq úıinde bıylǵy Mersıshordy – kóktemdi qarsy alýǵa jınalǵan jurtshylyqqa bı ansamblderi, «Fantazııa» ansambli, rýmyn-moldavan etnomádenı birlestiginiń vokaldyq ansambli, «Tolqyn» jáne «Altyn daýys» vokaldyq dýetteri, jeke oryndaý­shylar óner kórsetti.. − Qazir bizdiń birlestik te basqalar sııaqty EKSPO-2017 kórmesine daıyndalýda. Shet elden kelgen qonaqtarǵa elimizde turatyn túrli ult ókilderiniń tynys-tirshiligin, ónerin, án-bıin, qolónerin kórsetetin bolamyz, – deıdi Aýrıka Dıak. Aqpan aıynda «Býkovınanyń» jastar qanaty Roman Krasaev, Polına Alkýsa, Anna Dıak, Gleb Krasaev, Anastasııa Kýznesova, Alısa Alıeva Reseıde ótken «Biz biletin Qazaqstan» atty olımpıadaǵa qatysyp, júldeger atanyp qaıtypty. Oblysta sonshalyqty kóp bolmasa da rýmyn-moldavan dıasporasy jıi bas qosýdy, óz elderiniń tarıhy, ádebıeti, til úırený jaıly áńgimelesip, ánderin aıtyp, bılerin bılegendi jaqsy kóredi. Farıda BYQAI, «Egemen Qazaqstan» Pavlodar Sýretti túsirgen Maqsat AITBAEV