Ázirlik barysymen tanysty

Keshe Ortalyq saılaý komıssııasynyń tóraǵasy Berik Imashev saılaý komıssııalarynyń jumysymen jáne olardyń osy jylǵy 26 naýryzǵa belgilengen respýblıka máslıhattarynyń shyǵyp qalǵan depýtattarynyń ornyna saılaýdy ótkizýge daıyndyǵymen tanysý maqsatynda Astana qalasy №20 okrýginiń №63 jáne №64 saılaý ýchaskelerinde boldy, dep habarlady Ortalyq saılaý komıssııasynyń baspasóz qyzmeti. Saılaý ýchaskelerin aralaý barysynda saılaý komıs­sııa­larynyń múshelerimen ústimiz­degi jylǵy 13 naýryzda Memleket basshysy qol qoıǵan «Qazaqstan Respýblıkasynyń Konstıtýsııasyna ózgerister men to­lyqtyrýlar engizý týraly» 2017 jylǵy 10 naýryzdaǵy Qazaq­stan Respýblıkasynyń Zańyn iske asyrý jónindegi sharalar kesheni týraly Jarlyq talqy­landy. Atalǵan Jarlyqty iske asyrý maqsatynda Ortsaı­laýkom «Qazaqstan Respýb­lıkasyndaǵy saılaý týraly» jáne «Respýbl­ıkalyq referendým týraly» konstıtýsııalyq zań­daryna ózgerister engizý jónindegi usy­nystar daıyndaýda. Komıssııa músheleri saılaý zańnamasyna ózgerister engi­zýdi qajet etetin máse­leler­di – ýchaskelik saılaý komıs­sııalarynyń quramy, olardyń kási­bı negizdegi jumysy, saılaý­shy­lardyń saılaý barysy kezin­de komıssııalardyń qyzme­tine senimin arttyrý, saılaý­shylardyń tizimderimen jumys, daýys berý rásimderine ınno­va­sııalyq tehnologııalardy engizý jáne basqa máselelerdi kóterdi.