L.N.Gýmılev atyndaǵy Eýrazııa ulttyq ýnıversıtetiniń ustazdar qaýymy Aqmola oblysynyń Qorǵaljyn aýdanyndaǵy «Dostyq» orta mektebi ujymymen jáne turǵyndarmen kezdesý ótkizip, Elbasy Nursultan Nazarbaevtyń Joldaýyndaǵy mindetterdiń mańyzyn ashyp kórsetýge umtyldy.
Bul kezdesýde jergilikti basshylyq tarapynan aýdan ákiminiń orynbasary J.Tústikbaev, ishki saıasat bóliminiń basshysy S.Núrkenova, bilim bóliminiń basshysy S.Rysbaev, sondaı-aq «Jas Otan» JQ músheleri, muǵalimder men joǵary synyp oqýshylary qatysty.
Ǵylymı topty L.N.Gýmılev atyndaǵy EUÝ prorektory, UǴA korrespondent-múshesi, fılologııa ǵylymdarynyń doktory, professor Dıhan Qamzabekuly bastap keldi. Al top quramynda atalǵan ýnıversıtettiń saıasattaný kafedrasynyń professory, saıasattaný ǵylymdarynyń doktory Náýbat Qalıev, qazaq ádebıeti kafedrasynyń professory, fılologııa ǵylymdarynyń doktory Serik Negımov, fızıka-tehnıka fakýltetiniń dekany, fızıka-matematıka ǵylymdarynyń doktory Ábdirash Aqylbekov jáne qazaq til bilimi kafedrasynyń professory, fılologııa ǵylymdarynyń doktory Jantas Jaqypov boldy.
Olar Elbasy Joldaýyndaǵy mindetterge keńinen toqtalyp, ony naqty mysaldarmen jan-jaqty túsindirip, jınalǵandardyń kóptegen suraǵyna naqty jaýaptar berdi. Jıyn barysynda ǵalymdar ýnıversıtet atynan mektepke «Lego» robottyq-tehnıkalyq keshenin syıǵa tartty. О́z kezekterinde turǵyndar alǵysyn jetkizgen aýdandyq bilim bóliminiń basshysy S.Rysbaev meımandarǵa syı-syıapat jasady.
Asqar TURAPBAIULY,
«Egemen Qazaqstan»
Aqmola oblysy