О́zara yqpaldastyqtyń tıimdi joldary

«Qorǵas – Shyǵys qaqpasy» erkin ekonomıkalyq aımaǵy (EEA) Vetnamnan Qazaqstan aýmaǵy arqyly Eýropaǵa taýar jetkizý kópirine aınalyp keledi. Taıaýda «Vetnam temir­jol­­­dary» MK bas dırek­to­­ry­nyń oryn­­basary Fan Kýok An bas­ta­­ǵan Vetnam temir­jol­­­­shylary «Qorǵas – Shyǵys qaq­­­­pasy» EEA ny­­sandary men Al­tyn­kól stansa­syn­­da boldy. Son­­daı-aq, delega­sııa Almatyda ótip jatqan Temirjoldar ynty­maq­­­tastyǵy odaǵy (TJYO) ke­ńe­­si aıasynda EEA nysandaryn ara­lady. Vetnam temirjolshylary Qur­ǵaq port, logıstıkalyq jáne ın­dýstrııalyq aımaq, mo­nı­to­rıngilik ortalyq, jeńil­dik­ter men preferensııalar, kólik lo­gı­stıkalyq hab múmkindigi, Al­tyn­kól – Qorǵas she­karalyq ótkeli ju­mysymen tanysty. О́z kezeginde Fan Kýok An «Qorǵas – Shyǵys qaqpasy» EEA múm­kindigin, Qazaqstan – Qytaı te­mirjol shekaralyq ótkeli jaıyn joǵary baǵalap, Shyǵys Azııa men Eýropany jalǵaıtyn habtyń bol­ashaǵy zor ekendigin atap ótti. Delegasııa basshysynyń aı­týyn­sha, ASEAN elderi Eýropaǵa Qytaı, Qazaqstan aýmaǵy, ásirese, Qor­ǵas arqyly tranzıttik ta­- ý­ar­­lar­­dy ótkizýdi qalaıdy. Ve­t­­nam EAEO elderimen erkin saý­­­da aına­lymy týraly resmı ke­­lisimge qol qoıǵan. Bul óz ke­ze­gin­de taýarlardyń Shyǵys já­ne Ba­tys Eýropa elderinen je­t­ki­zi­lýin jeńildetedi. Onyń sózine qaraǵanda, bıyl­ǵy jyldyń ózinde Vetnam taý­arlary Qorǵas arqyly Qazaq­stan­­ǵa, odan ári Ortalyq Azııa el­deri jáne Eý­ro­paǵa shy­ǵa­dy. «Biz qazaqstandyq astyqty já­ne basqa da taýarlardy qur­lyq­­pen temir jol kóligimen Lıan­ıýn­gan portynan túsirmeı-aq, Hanoıǵa jetkizýdi josparlaýdamyz. Bıylǵy jyly alǵashqy poı­yz­dy shyǵaryp, odan keıin ony tu­raqty júrgizetin bolamyz», – de­di Fan Kýok An. Qazaqstan, Qytaı, Vetnam aý­­maǵymen tranzıttik tasymaldy Dýndan (Vetnam) – Pensen (Qytaı) – Dostyq jáne Altynkól (Qazaqstan) shekaralyq ótkelderi arqyly jiberýdiń bolashaǵy zor. «Bizge Vetnam naryǵy óte tartymdy. Konteınerlik poı­yz­ǵa basymdyq beremiz. Iаǵ­nı, Elbasy Joldaýynda aıtylǵandaı, tra­n­zıt­tik jáne konteınerlik ta­symaldy da­mytýǵa múdde­li­miz», – deıdi «QTJ» UK» AQ pre­zı­dentiniń ke­ńesshisi Aman­jol Ibragımov. Aıta keteıik, bıylǵy 20 aq­pan­da Vetnam astanasy Ha­noı­da «QTJ» UK» AQ prez­ı­denti Qanat Alpysbaev Vetnam Kólik mı­nıstri Chyong Kýang Ngııa jáne «VTJ» MK bas dırektory Vý Ta Týngpen kez­de­sip, kólik sa­la­syndaǵy óza­ra se­riktestikti da­mytý týraly pi­kir alysyp, nátıjesinde­, eki eldiń temir jol salasyndaǵy ákimshilikteri ara­­syn­da seriktestik týraly me­mo­ran­dýmǵa qol qoıylǵan bolatyn. Joldybaı BAZAR, «Egemen Qazaqstan»