Mindetterin adal atqarady

Patrýldik-kúzet – elimizdegi Ulttyq ulan bólimshesine qaraıtyn qyzmet túri. Olar qalamyzdaǵy qoǵamdyq qaýipsizdikti qamtamasyz etedi. Máselen, №6655 áskerı bólimindegi jedel maqsattaǵy batalonynyń jaýyngerleri polısııa qyzmetkerlerimen birge aqtóbelikterdiń tynysh ómiri úshin qyzmet atqarady. Olardyń ár kúni túrli oqıǵalarǵa toly. Osy kúnge deıin áskerı jasaq kósheler men qoǵamdyq oryn­darda asa aýyr qylmys­tarǵa jol bermedi. Buǵan tártip saqshylary men áskerı jasaq quramynyń nátıjeli qyzmeti dálel. Jeke quram tartylatyn aımaqtaǵy qylmystyq ahýal jaýyngerlerdi qajyta almaıdy. О́ıtkeni, olar óz eliniń naǵyz patrıoty retinde áskerı boryshtaryna qashan da adal qaraıdy. Jedel maqsattaǵy batalon jaýyngerleriniń patrýldik kúzet qyzmeti kúndelikti saǵat 16.30-da arnaıy kıim men qa­jetti jabdyqtardy alýdan bas­talady. Saǵat 17.00-de nus­qaý alǵan jasaq áskerı qyzmet­terine kirisedi. Áskerı quram aldyn ala belgi­lengen marshrýttarǵa bóli­nedi. Biz de solardyń biri – leıtenant Erasyl Yqtybaevtyń vzvodymen birge kezekshilikke shyqtyq. Qyzmettik «GAZel» kóligine mingen áskerıler sha­har kóshelerin «barlaýǵa» al­dy. Kóliktegi rasııa qalanyń óz­ge aýdandarynda oryn al­ǵan quqyq buzýshylyqtar tý­ra­ly úzdiksiz baıandaýda. Jumys barysynda kóshede spırt­ti ishim­dik iship otyrǵan er-azamat­tarǵa jo­lyqtyq. О́zderine jaqyn­daǵan patrýl­dik kúzetti kórgen boıda olar qaralaryn batyryp úlgerdi. Biraq qatardaǵy sarbazdar Arman Jol­dasbekov pen Alek­sandr Shkoda álgi ashy sýǵa elitken tártip buzýshylardy qýyp je­tip, qolǵa túsirdi. Olar­ǵa tár­tip saqshylary ákim­shilik qu­qyq buzý­shylyq týraly hattama toltyrdy. Budan keıin áskerı jasaq­pen birge qaladaǵy avtobeketke baǵyt aldyq. Osy mezette «Shyǵys» bazary mańynda eki jigittiń janjaldasyp qalǵany týraly habar tústi. Áskerı jasaqpen sol jaqqa attandyq. Masaıyp alǵan ekeýdiń janjaly, rasymen de, shekten shyǵyp ketipti. Olar polısııa beketine jetkizildi. Al keshkisin qaladaǵy túngi klýbtardyń birinen shyqqan shý da áskerı jasaqtyń kómegi­men retteldi. Bul jerde de ishim­­dik­ke masaıǵan ja­star dó­re­ki­lik tanytyp, aınala­syn­da­ǵy adam­dardy balaǵattaǵan. Qo­ǵam­­­­dyq tártipti buzǵan jigit­­­t­er Aq­tóbe qalalyq ishki ister bas­­­qar­­masyna jetkizilip, olar­ǵa ákim­­­­shi­lik hattama toltyryldy. Ýaqyt túngi 22.30-ǵa taıa­­ǵanda qoǵamdyq tártipti buz­­ǵan taǵy bir mas jigit nazar­­ǵa ilikti. Nusqaý boıyn­sha áreket etken sarba­zdar bul oqıǵa týraly kezek­shi­ge habar­lady. Áske­rı qyzmet­ker­­lerden qash­paq bolǵan buzyq­ty jónge sal­ǵan jasaq ony sol aýdan­daǵy ýchaskelik beketke jetkizdi. Jurt­tyń tynyshtyǵyn buz­ǵan jastyń qaltasyn tekserý kezinde py­shaq tabyldy. De­mek, áske­rı jasaq onyń qan­daı da bir qatelikke uryn­baýy­na tosqaýyl boldy degen sóz. – Qalalyqtar mádenıetti jú­rip-turýǵa ádettenip keledi. Eki jyl buryn adamdar kóshege qo­qys, basqa da qaldyqtardy jıi tas­t­aı­tyn. Al qazir mun­daı tár­tip­siz­dik tyıyldy. Onyń ús­ti­ne, qazir azamattar qoǵam­dyq oryn­da temeki shek­peıdi. Kóshe qyl­mysy azaıa túsken. Osyn­daı jetistikterge polısııa qyz­metimen birge biz de óz úle­si­mizdi qosýdamyz, – deı­­di 6655 áskerı bólimi­niń jedel maq­­sat­taǵy 2-rota ko­man­dıri­niń tá­r­bıe jáne áleý­mettik-qu­qyq­­tyq jumystar jónindegi oryn­­ba­sary, leıtenant Erasyl Yqtybaev. – Bizdiń jigitter qyzmettik mindetterin oryndaýda ár­kez qyraǵylyq tanytady. Pat­rýldik kúzet qyzmetine tár­tipti, jaýapty áskerıler qa­byl­­danady. Sarbazdar bos ýa­qyt­tarynda áskerı jarǵyny qolǵa alyp, Ákimshilik jáne Qylmystyq kodeksterdi, kúzet qyzmetkerleriniń mindetterin oqıdy. Bólimshelerdiń koman­dır­leri árdaıym olarǵa qyz­met kezinde qoǵamdyq oryn­darda ózin qalaı ustaý kerek­tigin úıretedi. Aıta keter­ligi, biz qalalyq jáne oblys­tyq ishki ister organdary basshylyǵymen tyǵyz baılanystamyz, – dedi 6655 áskerı bóliminiń komandıri, podpolkovnık Erkin Jańabergenov. Erbolat SULTANOV, podpolkovnık AQTО́BE