Konstantın Volodenko jasaǵan urlyq orta dárejeli qylmys túrine jatady. Onyń qasynda kómekshileri bolǵan. Iаǵnı, ol qylmysqa toptanyp barypty. Qaladaǵy №2 sottyń otyrysynda K.Volodenkonyń amnıstııaǵa ilingendigi týraly sheshim shyǵaryldy. Ol bir emes, birneshe avtomobıldiń akkýmýlıatorlaryn urlapty.
Sybaılastary eń aldymen kimde qymbat kólik bar, sony ańdyp, aqparat jetkizgen. Al olar tonaýlaryn tún mezgilinde júzege asyryp otyrǵan. Al urlanǵan akkýmýlıatorlardy alypsatarlarǵa ótkizip kelipti. Sóıtip júrgende, K.Volodenko qolǵa túsip qalady. Kólik urlaýshylarǵa Qylmystyq kodekstiń 175-baby boıynsha, ıaǵnı bótenniń múlkin tonaý, toptalyp baryp qylmystyq áreketterge barý isterine qaraı aıyp taǵylǵan.
Biraq, onyń jasaǵan qylmysy orta dárejeli bolǵandyqtan, el Táýelsizdiginiń 25 jyldyǵyna oraı «Qazaqstan Respýblıkasynyń raqymshylyq týraly» Zańyna iligipti. Sóıtip, №2 sottyń sýdıasy Janat Ábenova barlyq máseleni zań boıynsha búge-shigesine deıin tekserip, tolyq qarap, Konstantın Volodenkonyń isin amnıstııaǵa jatqyzdy.
– Men óz jasaǵan isime ókinemin, – dedi K.Volodenko sot otyrysynda. – Otbasymdy asyraýǵa aqsham jetpedi. Sodan keıin urlyqqa bardym. Qazirde Zaton aýdandyq polısııa qyzmetkerleri meniń slesar bolyp jumysqa ornalasýyma múmkindik jasady. Elbasymyz Nursultan Nazarbaevqa úlken rahmet. Meniń qatemdi túzetip, adam bolýyma múmkindik berdi. Temir tordyń ar jaǵyna túspeýime jaǵdaı jasady. Endi urlyq jasamaımyn.
Sýdıa Janat Ábenovanyń aıtýynsha, raqymshylyq týraly zań kishi jáne orta dárejeli qylmys jasaǵandarǵa úlken jeńildik beredi. Qaramaǵynda kámeletke tolmaǵan balasy bar áıelder, jańǵyzilikti analar, ekiqabat áıelder, barlyq toptyń múgedekteri, Uly Otan soǵysy ardagerleriniń balalary da osy raqymshylyq jasaý týraly zańǵa ilinip, qaıyryn kórip otyr.
Raýshan NUǴMANBEKOVA
Semeı