2011 jylǵy 19 shilde, Astana, Úkimet Úıi
Ǵylym salasyndaǵy syılyqtar men memlekettik ǵylymı stıpendııalar týraly
«Ǵylym týraly» Qazaqstan Respýblıkasynyń 2011 jylǵy 18 aqpandaǵy Zańynyń 3-babynyń 12) tarmaqshasyna, 15-babyna sáıkes Qazaqstan Respýblıkasynyń Úkimeti qaýly etedi:
1. Ǵylym salasyndaǵy jyl saıynǵy:
1) jaratylystaný ǵylymdary salasyndaǵy úzdik ǵylymı zertteýi úshin Q.I. Sátbaev atyndaǵy bir syılyq;
2) gýmanıtarlyq ǵylymdar salasyndaǵy úzdik ǵylymı zertteýi úshin Sh.Sh. Ýálıhanov atyndaǵy bir syılyq;
3) agrarlyq ǵylym salasyndaǵy úzdik ǵylymı zertteýi men jumysy úshin A.I. Baraev atyndaǵy (birinshi, ekinshi, úshinshi) úsh syılyq;
4) pedagogıka salasyndaǵy úzdik ǵylymı zertteýi men jumysy úshin Y. Altynsarın atyndaǵy bir syılyq;
5) túrkologııa salasyndaǵy asa zor jetistikteri úshin Kúltegin atyndaǵy bir syılyq;
6) jaratylystaný ǵylymdary salasyndaǵy úzdik jumysy úshin jas ǵalymdarǵa arnalǵan D.A. Qonaev atyndaǵy bir syılyq;
7) gýmanıtarlyq ǵylymdar salasyndaǵy úzdik jumysy úshin jas ǵalymdarǵa arnalǵan M.O. Áýezov atyndaǵy bir syılyq taǵaıyndalsyn.
2. 75 memlekettik ǵylymı stıpendııa, onyń ishinde otyz besti qosa alǵandaǵy jasqa deıingi talantty jas ǵalymdar úshin 50 memlekettik ǵylymı stıpendııa taǵaıyndalsyn.
3. Qosa berilip otyrǵan Ǵylym salasyndaǵy syılyqtardy, memlekettik ǵylymı stıpendııalardy taǵaıyndaý qaǵıdasy bekitilsin.
4. Qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
5. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 19 shildedegi №830 qaýlysymen bekitilgen
Ǵylym salasyndaǵy syılyqtardy, memlekettik ǵylymı stıpendııalardy taǵaıyndaý qaǵıdasy
1. Jalpy erejeler
1. Osy ǵylym salasyndaǵy syılyqtardy, memlekettik ǵylymı stıpendııalardy taǵaıyndaý qaǵıdasy (budan ári – Qaǵıda) «Ǵylym týraly» Qazaqstan Respýblıkasynyń 2011 jylǵy 18 aqpandaǵy Zańyna sáıkes ázirlendi jáne ǵylym salasyndaǵy syılyqtar men memlekettik ǵylymı stıpendııalardy taǵaıyndaý tártibin aıqyndaıdy.
2. Osy Qaǵıdada mynadaı negizgi uǵymdar paıdalanylady:
1) ǵylym salasyndaǵy ýákiletti organ (budan ári – ýákiletti organ) – ǵylym jáne ǵylymı-tehnıkalyq qyzmet salasynda salaaralyq úılestirýdi jáne basshylyqty júzege asyratyn memlekettik organ;
2) salalyq ýákiletti organ – ǵylym jáne ǵylymı-tehnıkalyq qyzmet salasyndaǵy memlekettik saıasatty iske asyrýdy jáne tıisti salada ǵylymı zertteýler júrgizý jónindegi jumystardy úılestirýdi júzege asyratyn memlekettik organ;
3) ǵylymı uıym – qyzmetiniń negizgi túri ǵylymı, ǵylymı-tehnıkalyq jáne ınnovasııalyq qyzmetti júzege asyrý, onyń ishinde zııatkerlik menshik obektilerine quqyqty iske asyrý, sondaı-aq ǵylymı-zertteý jáne tájirıbelik-konstrýktorlyq jumystar júrgizý bolyp tabylatyn zańdy tulǵa;
4) ǵylymı qyzmetker – ǵylymı uıymda, joǵary oqý ornynda nemese uıymnyń ǵylymı bólimshesinde jumys isteıtin, joǵary bilimi bar, ǵylymı jáne (nemese) ǵylymı-tehnıkalyq qyzmet nátıjesin alatyn jáne iske asyratyn jeke tulǵa;
5) ǵalym – ǵylymı zertteýlerdi júzege asyratyn ári ǵylymı jáne (nemese) ǵylymı-tehnıkalyq qyzmet nátıjelerine qol jetkizetin jeke tulǵa.
3. Kótermeleý maqsatynda ǵylym men tehnıkany damytýǵa úles qosqan ǵalymdar, ǵylymı uıymdardyń ǵylymı qyzmetkerleri:
1) úzdik ǵylymı zertteýleri men jumystary, ǵylym salasyndaǵy asa zor jetistikteri úshin jyl saıynǵy syılyqtardy alýǵa usynylýy;
2) memlekettik ǵylymı stıpendııalardy alýǵa usynylýy múmkin.
Memlekettik ǵylymı stıpendııalar:
memleket úshin basym baǵyttarda irgeli nemese qoldanbaly zertteýlerdi júrgizýge, ǵylymı kadrlardy daıarlaýǵa belsene qatysatyn ǵalymdar men ǵylymı qyzmetkerlerge;
ǵylymı problemalardy sheshý boıynsha zertteýler júrgizýge belsene qatysatyn jáne ǵylymı qoǵamdastyq moıyndaǵan, qosa alǵanda otyz bes jasqa deıingi talantty jas ǵalymdarǵa da berilýi múmkin.
4. Syılyqtar men memlekettik ǵylymı stıpendııalar berýdi Qazaqstan Respýblıkasynyń zańnamasyna sáıkes óz quzyreti sheginde ýákiletti organ men salalyq ýákiletti organdar júzege asyrady.
5. Ǵylym salasyndaǵy syılyqtar (budan ári – syılyqtar) men memlekettik ǵylymı stıpendııalar konkýrstyq negizde beriledi.
6. Syılyqtar men memlekettik ǵylymı stıpendııalar berýge arnalǵan konkýrstarǵa osy Qaǵıdanyń 3-tarmaǵynda kórsetilgen ǵalymdar men ǵylymı qyzmetkerler bolyp tabylatyn Qazaqstan Respýblıkasynyń azamattary qatysa alady.
7. Syılyqtar men memlekettik ǵylymı stıpendııalardyń mólsherlerin ýákiletti organ (agrarlyq ǵylym salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligi) aıqyndaıdy.
2. Ǵylym salasyndaǵy syılyqtardy berý tártibi
8. Syılyqtar alý úshin jumystardy usyný quqyǵy menshik nysanyna qaramastan Qazaqstan Respýblıkasy ǵylymı uıymdarynyń jáne joǵary oqý oryndarynyń (budan ári – uıymdar) konsýltatıvtik-keńesshi organdaryna (ǵylymı keńester) beriledi.
9. Syılyq alý úshin jumystardy usyný týraly sheshim syılyq alý úshin usynylatyn jumystar oryndalǵan uıymda belgilengen tártippen qabyldanady.
10. Syılyq alýǵa jeke avtorlar, sondaı-aq sany bes adamnan aspaıtyn avtorlar ujymynyń jumystary usynylýy múmkin. Ár avtor jáne avtorlar ujymy konkýrsqa tek bir jumys usynýǵa quqyly.
11. Buryn respýblıkalyq bıýdjet qarajatynan tólenetin sylyqtarǵa ıe bolǵan jumystar osy syılyqtardy alý konkýrsyna qatysýǵa jiberilmeıdi. Syılyqqa jumys eki retten artyq usynylmaıdy.
Osy syılyqtar laýreatynyń jańa jetistikteri bolǵan jaǵdaıda, syılyqtar oǵan sońǵy taǵaıyndalǵannan keıin bes jyl ótken soń qaıtalanyp berilýi múmkin.
Ujymdyq jumystardyń avtorlaryna syılyqtyń aqshalaı bóligi teń úlespen tólenedi.
12. Syılyqtardy alýǵa uıymdardyń konsýltatıvtik-keńesshi organdarynda jan-jaqty talqylanýdan ótip, tıisti sheshim qabyldanǵan, ǵylymı kópshilikke keńinen tanymal konkýrs jarııalanǵanǵa deıingi jyldy qosa alǵanda, sońǵy 5 jyl ishinde oryndalyp, jarııalanǵan jumystar usynylady.
13. Jas ǵalymdarǵa arnalǵan syılyqtardy alýǵa arnalǵan konkýrsqa qosa alǵanda otyz bes jasqa deıingi jas ǵalymdar qatysa alady.
Jas ǵalymdardyń jumystary konkýrs jarııalanǵanǵa deıingi jyldy qosa alǵanda sońǵy úsh jyl ishinde oryndalǵan bolýy kerek.
14. Konkýrsqa mynadaı qujattar usynylady:
1) kitaptar, monografııalar, oqýlyqtar, kitapshalanǵan maqalalardyń baspa-tańbalary, patentter kóshirmeleri, avtorlyq kýálikter, memlekettik tirkeýden ótken ǵylymı-zertteý jumysy týraly esepter túrlerindegi ǵylymı jumys;
2) mazmuny, zertteýlerdiń ózektiligi men jańalyǵy, negizgi ǵylymı nátıjeleri, olardyń mańyzdylyǵy men bolashaqta paıdalaný múmkindigi baıandalatyn jumystyń sıpattamasy (0,5 b. t.).
3) jumystyń qysqasha mazmundamasy annotasııasy;
4) jumystyń ǵylymı ózektiligi men mańyzdylyǵyn beıneleıtin usynym-negizdeme;
5) jumysty usynǵan uıymnyń konsýltatıvtik-keńesshi organ otyrysynyń hattamasynan úzindi;
6) syılyq alýǵa úmitkerdiń negizgi qyzmet ornynan anyqtama;
7) syılyq alýǵa úmitkerdiń ujym jumystary úshin shyǵarmashylyq úlesi kórsetilgen ǵylymı qyzmetine qysqasha sıpattama;
8) negizgi ǵylymı jumystarynyń tizimi (5-ten aspaýǵa tıis);
9) konkýrsqa usynylǵan jumystyń (jumystar serııasy) buryn respýblıkalyq bıýdjet qarajatynan tólenetin syılyqtarǵa ıe bolmaǵanyn kúálandyratyn anyqtama.
Syılyq alýǵa úmitker jumystan bosatylǵan jaǵdaıda osy baptyń 6), 7) jáne 8) tarmaqshalarynda kórsetilgen qujattar onyń sońǵy jumys ornynan usynylady.
15. Konkýrs materıaldaryn rásimdeýge qoıylatyn talaptardy ýákiletti organy (agrarlyq ǵylym salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligi) aıqyndaıdy.
16. Syılyqtardy alý konkýrsyna usynylǵan materıaldar konkýrs týraly habarlandyrý jarııalanǵan kúnnen bastap kúntizbelik 30 kún ishinde ýákiletti organǵa (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligine) usynylady. Onda konkýrstyq qujattar tirkeledi jáne qujattardy qabyldaý merzimi aıaqtalǵan soń 10 jumys kúni ishinde konkýrstyq komıssııaǵa qaraýǵa beriledi.
Konkýrsty ótkizý týraly habarlandyrýdy respýblıkalyq basylymdarda ýákiletti organ (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligi) ornalastyrady.
17. Konkýrsqa usynylǵan jumystar men materıaldar avtorlardyń jazbasha talaptary boıynsha bir danada qaıtarylady.
18. Konkýrstyq qujattardy qaraý jáne syılyqtardy taǵaıyndaý máselesi boıynsha sheshimder daıyndaý úshin ýákiletti organnyń (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligi) buıryǵymen konkýrstyq komıssııa qurylady.
Konkýrstyq komıssııa konsýltatıvtik-keńesshi organ bolyp tabylady jáne mınıstrlikter, vedomstvolar jáne basqa memlekettik organdardyń ókilderinen, respýblıkanyń ártúrli ǵylym salalarynyń jetekshi ǵalymdary men mamandary quramynan qurylady.
Eger osy syılyqtardy alýǵa konkýrstyq komıssııa músheleriniń jumystary usynylǵan jaǵdaıda, olar komıssııanyń jumysyna qatyspaıdy.
19. Syılyqtardy berý úshin jumystardy irikteý krıterıılerin konkýrstyq komıssııa aıqyndaıdy.
20. Konkýrstyq komıssııa syılyq alýǵa usynylǵan jumystardy aldyn ala qaraý úshin seksııalar qurady, olardyń quramy men jumys tártibin aıqyndaıdy.
21. Konkýrstyq komıssııa seksııalardyń qorytyndylary negizinde, olardy alǵan kúnnen bastap 20 jumys kúni ishinde ýákiletti organǵa (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligine) syılyqtardy berý jónindegi sheshimdi engizedi.
22. Ýákiletti organ (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrligi) konkýrstyq komıssııa sheshiminiń negizinde syılyqtardy berý týraly sheshim qabyldaıdy.
23. Syılyqtardy berý jónindegi konkýrstardyń nátıjeleri respýblıkalyq basylymdarda jarııalanýǵa jáne ýákiletti organnyń (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstrliginiń) Internet resýrsynda ornalastyrýǵa jatady.
24. Syılyq berý týraly dıplomdar, tósbelgiler men aqshalaı syılyqtardy laýreattarǵa Qazaqstan Respýblıkasynyń Bilim jáne ǵylym mınıstri (agrarlyq ǵylymdar salasyndaǵy syılyqtar boıynsha – Qazaqstan Respýblıkasy Aýyl sharýashylyǵy mınıstri) tapsyrady.
25. Qaıtys bolǵannan keıin nagradtalǵan syılyq laýreatynyń dıplomy, tósbelgisi jáne aqshalaı syılyǵy zańnamaǵa sáıkes muragerlerine beriledi.
3. Memlekettik ǵylymı stıpendııalardy berý tártibi
26. Memlekettik ǵylymı stıpendııany alýǵa úmitkerdi usyný quqyǵy uıymdardyń konsýltatıvtik-keńesshi organdaryna beriledi.
27. Memlekettik ǵylymı stıpendııany alýǵa úmitkerdi usyný týraly sheshim stıpendııa alý úshin usynylatyn úmitker jumys isteıtin uıymda belgilengen tártippen qabyldanady.
28. Memlekettik ǵylymı stıpendııalar bir jylǵa deıingi merzimge ǵylym salasyndaǵy ýákiletti organnyń buıryǵymen taǵaıyndalady.
29. Memlekettik ǵylymı stıpendııany alýǵa usynyp otyrǵan úmitkerge mynadaı qujattar usynylady:
1) tıisti uıymnyń ilespe haty;
2) uıymnyń konsýltatıvtik-keńesshi organynyń memlekettik ǵylymı stıpendııany alýǵa úmitkerdi usyný týraly otyrysy hattamasynan úzindi;
3) uıymnyń konsýltatıvtik-keńesshi organynyń ýájdelgen qoldaý haty (usynymy);
4) memlekettik ǵylymı stıpendııany alýǵa úmitkerdiń negizgi qyzmet ornynan anyqtama;
5) memlekettik ǵylymı stıpendııalardy alýǵa úmitkerdiń sońǵy bes jylda jarııalanǵan ǵylymı jumystarynyń tizimi, sondaı-aq eń mańyzdy jumystardyń baspa-tańbalary (besten aspaýy kerek). Monografııa boıynsha eki betke deıingi kólemdegi basylǵan annotasııa beriledi.
30. Konkýrs materıaldaryn rásimdeýge qoıylatyn talaptardy ýákiletti organ aıqyndaıdy.
31. Memlekettik ǵylymı stıpendııalar alýǵa arnalǵan konkýrsqa usynylǵan materıaldar konkýrs týraly habarlandyrý jarııalanǵan kúnnen bastap kúntizbelik 30 kún ishinde ýákiletti organǵa usynylady. Onda konkýrstyq qujattar tirkeledi jáne qujattardy qabyldaý merzimi aıaqtalǵan soń 10 jumys kúni ishinde konkýrstyq komıssııaǵa qaraýǵa beriledi.
Konkýrsty ótkizý týraly habarlandyrýdy respýblıkalyq basylymdarda ýákiletti organ ornalastyrady.
32. Qujattardy qabyldaý merzimi aıaqtalǵannan keıin túsken qujattar konkýrsqa jiberilmeıdi.
33. Konkýrsqa usynylǵan materıaldar qaıtarýǵa jatpaıdy.
Konkýrs materıaldaryn qaraý jáne memlekettik ǵylymı stıpendııalardy taǵaıyndaý máselesi jónindegi sheshimderdi daıyndaý úshin ýákiletti organnyń buıryǵymen konkýrstyq komıssııa qurylady.
Konkýrstyq komıssııa konsýltatıvtik-keńesshi organ bolyp tabylady jáne ýákiletti organnyń basshy qyzmetkerlerinen, respýblıkadaǵy ǵylymnyń ártúrli salalarynyń jetekshi ǵalymdary men mamandarynan qurylady.
Konkýrstyq komıssııa músheleri osy stıpendııany alýǵa usynylǵan jaǵdaıda komıssııa jumysyna qatyspaıdy.
35. Memlekettik ǵylymı stıpendııalardy berý úshin úmitkerlerdi irikteý krıterıılerin konkýrstyq komıssııa aıqyndaıdy.
36. Konkýrstyq komıssııa memlekettik ǵylymı stıpendııalarǵa usynylǵan úmitkerlerdiń jumystaryn aldyn ala qaraý úshin saraptaý toptar qurady, olardyń quramy men jumys tártibin aıqyndaıdy.
37. Konkýrstyq komıssııa saraptaý toptardyń qorytyndylary negizinde olardy alǵannan keıin 20 jumys kúni ishinde ýákiletti organǵa memlekettik ǵylymı stıpendııalardy berý jóninde sheshim engizedi.
38. Ýákiletti organ konkýrstyq komıssııa sheshiminiń negizinde memlekettik ǵylymı stıpendııalardy berý týraly sheshim qabyldaıdy.
39. Memlekettik ǵylymı stıpendııa respýblıkalyq bıýdjet qarajatynan Qazaqstan Respýblıkasy Prezıdentiniń ǵumyrlyq stıpendııasyn alatyn Qazaqstan Respýblıkasy Ulttyq ǵylym akademııasynyń múshelerine taǵaıyndalmaıdy.
40. Konkýrstan ótken stıpendıattardyń tizimi respýblıkalyq resmı basylymdarda jarııalanýǵa jáne ýákiletti organnyń Internet resýrsynda ornalastyrylýǵa tıis.
Qazaqstan Respýblıkasy Úkimetiniń 2011 jylǵy 19 shildedegi №830 qaýlysyna qosymsha
Qazaqstan Respýblıkasy Úkimetiniń
kúshi joıylǵan keıbir sheshimderiniń tizbesi
1. «Ǵylym men tehnıkany damytýǵa eleýli úles qosqan ǵalymdar men mamandardy jáne talantty jas ǵalymdardy memlekettik qoldaý sharalary týraly» Qazaqstan Respýblıkasy Úkimetiniń 1996 jylǵy 28 tamyzdaǵy № 1063 qaýlysy (Qazaqstan Respýblıkasynyń PÚAJ-y, 1996 j., № 35, 338-qujat).
2. «Memlekettik ǵylymı stıpendııalar týraly erejeni bekitý týraly» Qazaqstan Respýblıkasy Úkimetiniń 1996 jylǵy 9 jeltoqsandaǵy № 1501 qaýlysy (Qazaqstan Respýblıkasynyń PÚAJ-y, 1996 j., № 50, 488-qujat).
3. «Ǵylym salasyndaǵy syılyqtar týraly» Qazaqstan Respýblıkasy Úkimetiniń 2000 jylǵy 10 mamyrdaǵy № 685 qaýlysy (Qazaqstan Respýblıkasynyń PÚAJ-y, 2000 j., № 22, 243-qujat).
4. «Qazaqstan Respýblıkasy Úkimetiniń 2000 jylǵy 10 mamyrdaǵy № 685 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2001 jylǵy 5 aqpandaǵy № 188 qaýlysy.
5. «Qazaqstan Respýblıkasy Úkimetiniń 2000 jylǵy 10 mamyrdaǵy № 685 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2002 jylǵy 30 naýryzdaǵy № 383 qaýlysy (Qazaqstan Respýblıkasynyń PÚAJ-y, 2002 j., № 9, 91-qujat).
6. «Qazaqstan Respýblıkasy Úkimetiniń 2000 jylǵy 10 mamyrdaǵy № 685 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2003 jylǵy 6 qazandaǵy № 1031 qaýlysy (Qazaqstan Respýblıkasynyń PÚAJ-y, 2003 j., № 41, 430-qujat).
7. «Qazaqstan Respýblıkasy Úkimetiniń keıbir sheshimderine ózgerister engizý jáne kúshi joıyldy dep taný týraly Qazaqstan Respýblıkasy Ykimetiniń 2003 jylǵy 27 qarashadaǵy № 1191 qaýlysymen (Qazaqstan Respýblıkasynyń PÚAJ-y, 2003 j., № 45, 491-qujat) bekitilgen Qazaqstan Respýblıkasy Úkimetiniń keıbir sheshimderine engiziletin ózgeristerdiń 4-tarmaǵy
8. «Qazaqstan Respýblıkasy Úkimetiniń 2000 jylǵy 10 mamyrdaǵy № 685 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2005 jylǵy 25 qańtardaǵy № 55 qaýlysy (Qazaqstan Respýblıkasynyń PÚAJ-y, 2005 j., № 3, 28-qujat).