Astanada jańbyr aralas qar jaýyp, kóktaıǵaq oryn aldy. Kommýnaldyq qyzmetter kúsheıtilgen rejımde jumys isteýde. «Astana Tazalyq» JShS-iniń málimetinshe, bir táýlik ishinde qar jınaýǵa 2525 jumysker shyǵyp, 1572 tehnıka tartylǵan, dep habarlady Astana qalasy ákimdiginiń baspasóz qyzmeti.
Kóktaıǵaqqa qarsy 55 tonn reagent sebilip, 485 tekshe metr qum-tuz qospasy paıdalanyldy. Jeksenbi kúni qala aýmaǵynan 19 249 tekshe metr qar shyǵarylǵan.
Aldaǵy eki kúnde aýa raıy ózgermeıdi. Jeldiń ekpini sekýndyna 15-20 metrge jetedi. Aýa temperatýrasy kúndiz -7-9 gradýs sýyq bolady. Elordada qar tazalaý jumystary jalǵasýda. Dúısenbi kúni tańerteń 2478 jol jumyskeri men 1086 tehnıka shyqty.