6 jeltoqsan kúni Batys Qazaqstan oblysynyń keı jerlerinde burqasyn kóterilip, ońtústik-batystan soqqan jeldiń jyldamdyǵy sekýndyna 17-22 metrge jetpek, dep habarlady «Qazgıdromet» RMK BQO fılıaly. Oral qalasynda da qar jaýyp, burqasyn bolyp, jeldiń ekpini 20 m/s deıin kúsheıedi. Osyǵan baılanysty BQO TJ departamenti eskertý jarııalady. Oblysta tótenshe jaǵdaılardyń aldyn alý baǵytynda tıisti kúsh-quraldar daıyndyqqa keltirildi. Turǵyndar arasynda oqys oqıǵaǵa jol bermeý, ómirlik mańyzy bar nysandardyń, elektr jelileri men baılanys quraldarynyń úzdiksiz jumysyn qamtamasyz etý úshin sharalar qolǵa alynýda.