Munaı óndiris azaıtý týraly málimet shyqqannan keıin valıýta naryǵynda ekiudaı kúı bastaldy. Endi on shaqty kúnnen keıin AQSh Federaldy qorynyń otyrysy ótip, onda paıyzdyq ústemeni kóterý máselesi qaralady, dep habarlaıdy naryk.kz basylymy.
Eger Federaldy qor paıyzdyq ústemeni kóteretin bolsa, dollardyń quny artyp, teńgeniń dollarǵa shaqqandaǵy baǵamy kóterýi yqtımal.
Aıta keteıik, bir jarym aı burynǵy jıynda AQSh Federaldy qory sol joly paıyzdyq ústemeni 0,25-0,5 paıyzdan kóteredi dep kútilgen edi. Biraq sol joly bul kórsetkish ózgerissiz qalyp, saılaýdan keıin kóterilip qalýy múmkin ekeni aıtylǵan. Osy joly, sarapshylardyń pikirinshe, negizgi paıyzdyq ústeme kóterilýi ǵajap emes.
Investorlar AQSh Federaldy qorynyń jeltoqsannyń 13-14 kúnderindegi otyrysynda dollardyń paıyzdyq ústemesi kóbeıtilýi múmkin dep qaýiptenedi.