Prezıdenttikke jańadan saılanǵan Donald Tramp Aq úıdiń taǵyna otyrǵan birinshi kúnnen bastap Obamanyń búginge deıingi ustanyp kelgen saıasatyn túbegeıli ózgertpekshi.
Sonyń ishinde respýblıkashyl partııa ókili Obamanyń Azııa vektoryndaǵy saıasaty, Trans-Tynyq muhıty Áriptestigi saýda pakty, Obamasaqtaý (Obamacare) jáne Iran ıadrolyq máselesinde basqasha qadamǵa baratynyn málimdep otyr.
Iran máselesinde Tramptyń saıasaty Obamanyń ustamymen múlde kelispeıdi. Tramp bul týraly Obamanyń segiz jyldyq jumysyn "tarıhta buryn-sońdy jasalǵan eń sátsiz kelisim" dep baǵalap otyr. Osy oraıda Tramp Iranmen kelisimshartty qaıta qaramaqshy.
Ońtústik Koreıa, Japonııa, Chılı, Taıvan men AQSh sekildi Tynyq muhıtynyń jaǵasyndaǵy birqatar memleketterdiń ózara birlese qurǵan Trans-Tynyq muhıty áriptestigiaıasyndaǵy yqpaldastyqtyń AQSh syrtqy ekonomıkasyna keri áserin beretinin aıtady Aq úıdiń kelesi basshysy.
Sonymen qatar Tramp Obamanyń Azııamen tym qoıyn-qoltyq saýda jasasýyna da qarsylyǵyn bildirgen.
AQSh densaýlyq saqtaý salasynda keıingi jyldary jıi aıtylǵan Obamasaqtaý (Obamacare) áleýmettik baǵdarlamasyn Tramp Affortable Care Act baǵdarlamasymen almastyrmaqshy. Tramptyń aıtýynsha, Obamanyń álgi baǵdarlamasy qarapaıym halyqtyń densaýlyǵyn saqtaýda óz nátıjesin áli bergen joq.